धरान / गुरु पूर्णिमाको अवसर पारेर सुनसरी जिल्ला महिला फुटबल समितिले मैत्रीपूर्ण फुटबल खेलाएको छ । महिला सिनियर र जुनियर खेलाडी बीचमा प्रतियोगिता गराएको हो ।

footbal प्रतियोगितामा जुनियरले सिनियरलाई ४–३ गोल अन्तरले ट्राइबेकरबाट हराउन सफल भएको छ । धरान–१७ गोधुली क्लवको मैदानमा कार्यक्रम सम्पन्न भएको थियो । प्रतियोगिताको लागि चतरा, इटहरी, चक्रघट्टी, पटनाली, धरानका २५ जना खेलाडीहरु सहभागी बनेका थिए । गुरु पूर्णिमाकै अवसरमा पूर्व खेलाडी रिना राईले संस्थालाई १० हजार रुपैया र प्रेमिसा तामाङले ५ हजार रुपैया आर्थिक सहयोग गरेका छन् ।

उक्त रकमलाई संस्थाको तालिम सामग्रीमा खर्च गर्ने समितिकी अध्यक्ष एवं फुटबल महिला प्रशिक्षक भगवति राना मगरले बताइन् । रकम संस्थाकी भर्खरै निर्वाचित कोषाध्यक्ष निशा राईलाई हस्तान्तरण गरिएको थियो । यसैबीच रिना राईलाई संस्थाले प्रशंसा पत्रसमेत प्रदान गर्दै बिदाई गरेको छ ।