Trending Tags

उपचारपछि घर फर्किएका वृद्धमा कोरोना पुष्टि

alt
  • आश्विन ८, २०७७
  • ब्लाष्ट खबर

ताप्लेजुङ/ ताप्लेजुङको फक्ताङलुङ गाउँपालिकाका ८० वर्षिय वृद्धमा कोरोना संक्रमण देखिएको छ । दमको समस्या देखिएपछि जिल्ला अस्पताल ताप्लेजुङ हुँदै झापाको कन्काई र विराटनगरको नाबेल अस्पतालमा उपचारका क्रममा पुगेका वृद्धमा कोरोना पुष्टि भएको प्रहरीले जनाएको छ ।

ति वृद्धमा बुधबार कोरोना संक्रमण पुष्टि भएको हो । उपचारका लागि नोबेलमा पुगेका वृद्धको सोहि अस्पतालले स्वाब लिएको थियो । स्वाब संकलन गरेर सामान्य उपचार पश्चात असोज ४ गते डिस्चार्ज भएका बृद्ध सोहि दिन नै ताप्लेजुङ फर्किएका थिए ।

जिल्ला अस्पताल ताप्लेजुङमा १०/११ दिन सम्म उपचारमा रहेका बृद्धलाई थप उपचारका लागि असोज ३ गते झापाको कन्काईमा लगिएको थियो । कन्काईमा भएको जाँचमा मुटुको समस्या देखिए पछि नोबेलमा पुर्याईएको थियो ।

एम्बुलेन्स मार्फत सदरमुकाम फुङलिङ आएका ति बृद्ध आफ्नी बहिनीकोमा बसेको र भोलीपल्ट असोज ६ गते भाडाको गाडीमा छिरुवा फर्किएको बताईएको छ । सो गाडीमा १३ जना यात्रु चढेको बताईएको छ । १३ मध्ये ४ जना लिङ्खिममा ओर्लिएको स्रोतले बतायो । ६ जनाको परिवार संगै बसोबास गर्ने बृद्धको फक्ताङलुङ गाउँपालिका– ५ छिरुवामा गेष्ट हाउस समेत रहेको बताईएको छ ।

कोरोना पुष्टि भएको खबरसंगै कन्ट्याक्ट ट्रेसिङ सुरु गरिएको ताप्लेजुङ प्रहरी प्रमुख तथा प्रहरी नायव उपरिक्षक महेन्द्र श्रेष्ठले बताए । ति वृद्धलाई लिनको लागि सदरमुकामबाट गाडी पठाउने तयारी गरेको प्रमुख जिल्ला अधिकारी झरेन्द्र प्रसाद चापागाईले जानकारी दिए ।

यता फुङलिङ स्थित प्राईम बैंकका एक कर्मचारीले समेत आफुलाई कोरोनाको शंका लागि स्वाब संकलन गराएकाले रिपोर्ट नआउन्जेल सम्म उक्त बैंक सिल गरिने डिएसपी श्रेष्ठले जानकारी दिए । उहाँले सबैमा सचेत रहन आग्रह गरे ।

 

प्रदेश १ का आज थप ९ ...

ब्लाष्टखबर ।  आइतबार  प्रदेश १ मा ५५७ जना कोर ...

पछिल्लो २४ घण्टामा ३ ...

ब्लाष्टखबर । नेपालमा पछिल्लो २४ घण्टामा २ हजार ८५६ ...

राउटे समुदायको सुरक् ...

ब्लाष्टखबर। राउटे समुदायको सुरक्षाका लागि कोष निर्माण ग ...

विश्वशान्ति आद्यात्म ...

पथरीशनिश्चरे  । विश्वशान्ती अध्यात्म विज्ञान समाज ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved