Trending Tags

अझै पक्राउ परेनन् बोक्सीको आरोपमा दिशापिसाब खुवाउनेहरु पीडितलाई उपचार गर्न आर्थिक समस्या

alt
  • आश्विन ३, २०७७
  • खिलानाथ विश्वकर्मा

विजयपुर । सिराहाको कुर्सन्डी गाउँपालिका–५ नवराजपुर बस्ने ४५ वर्षीया मुर्तिदेवी यादवलाई बोक्सीको आरोपमा कुटपिट गरी दिशा पिसाब खुवाउनेहरु अझै पक्राउ परेका छैनन् ।

पीडित मूर्तिदेवीका छोरा गणेश यादवका अनुसार धर्मनाथ यादव लगायतका ८ जना छिमेकीहरुले गत भाद्र २८ गते रातको १२ बजे बोक्सीको आरोप लगाउँदै मूर्तिदेवीलाई मरणासन्न हुने गरी कुटपिट गरी दिशा पिसाब समेत खुवाएका थिए । गणेशका अनुसार कुटपिटबाट मूर्तिदेवीको मुख लगायत अन्य अङ्गमा घाउ भएको छ । मुखको एउटा हड्डि नै भाँचिएको छ । उनी भन्छन्, ‘कुटपिट गर्नेहरुले घरमा आएर हामी धनी, पहुँच भएका मान्छे हौँ । हामीलाई प्रहरीले पनि केहि गर्न सक्दैन भन्दै आमालाई कुटे । अनि दिशा पिसाब खुवाएर घर छेउको खेतमा फालिदिए ।’

छोरा यादवले आमासँगै आफुलाई समेत कुटपिट गरेको बताएका छन । मूर्तिदेवीको कुटपिट भएकै दिन कामना नर्सिङ होम लहान–३ सिराहामा उपचार गरिएको थियो । त्यहाँ उपचार सम्भव नभएपछि थप उपचारका लागी बिपी कोईराला स्वास्थ्य बिज्ञान प्रतिष्ठान ल्याई उपचार भइरहेको छ ।

आफ्नो आर्थिक अवश्था कमजोर रहेको र आमाको उपचारमा करिब ८० हजार खर्च भईसकेको गणेशले बताए । मूर्तिदेवीको अप्रेसन गर्नु पर्ने भएपछि थप खर्चको आवश्यकता रहेको उनले बताए । उनी भन्छन्, ‘हामी गरिब मान्छे भएकोले बोक्सी भनेर कुटपिट भयो, उपचारमा पनि आर्थिक समस्या छ । कसरी उपचार गर्ने चिन्ता लागेको छ ।’

पीडित परिवारले प्रहरीलाई आफुले जाने अनुसार सामान्य निवेदन दिएका थिए । तर प्रहरीले हालसम्म आरोपीहरुलाई पक्राउ गरेको छैन । इलाका प्रहरी कार्यालय कटारीका इन्स्पेक्टर अरबिन्दप्रसाद साहले पीडितले निवेदन दिएपनि किटानी जाहेरी नदिएकाले मुद्धा दर्ता नभएको जनाएको छ । उनले पीडित पक्षले उजुरी दिए कारबाही प्रक्रिया अघि बढाउने बताए ।

 

होम आइसोलेसनमा रहेका ...

धरान । होम आइसोलेसनमा रहेका एक कोरोना संक्रमितको बाथरुम ...

गुडिरहेको मोटरसाइकलब ...

धरान । गुडिरहेको मोटरसाइकलबाट अचानक खस्दा झापा गौरीगञ्ज ...

र्यापर भिटेनलाई कारब ...

धरान । हालै सार्वजनिक भएको र्याप भिडियोमा आपत्तिजनक शब् ...

विप्लव समूहका पूर्वी ...

विराटनगर/ नेत्रविक्रम चन्द (विप्लव) नकेपाका पूर्वी कमाण ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved