Trending Tags

भारतका महान शास्त्रीय गायक जसराजको अमेरिकामा मृत्यु

alt photo source: thewire
  • भदौ २, २०७७
  • ब्लाष्ट खबर

धरान । भारतका महान शास्त्रीय गायक पण्डित जसराजको ह्रदयघातका कारण अमेरिकामा सोमबार बिहान मृत्यु भएको छ ।

कोरोना भाइरसको महामारीपछि सुरु भएको लकडाउनका कारण उनी अमेरिकाको न्यूजर्सीमा नै रहेका थिए । गायक पण्डित जसराजका छोरी दुर्गाले सोमबार बिहान मृत्यु भएको आधिकारिक जानकारी दिइन् ।

उनको अमेरिकी समय ५ बजेर १५ मिनेटमा ह्रदयघातका कारण मृत्यु भएको परिवारले जानकारी दिएको छ । परिवारले लेखेको छ,–‘दुःखको साथ भन्नु परिरहेको छ, शास्त्रीय संगीतका हस्ती पण्डित जसराज ह्रदयघातका कारण मृत्यु भएको छ ।’

उनको ९० वर्षको उमेरमा निधन भएको हो । गत जनवरीमा मात्रै उनले ९० औं जन्मदिन बाँडेका थिए । उनले जीवनको अन्तिम प्रस्तुति अप्रिल ९ तारिखका दिन फेसबुक लाइभमार्फत वाराणासीको संकटमोचन हनुमान मन्दिरका लागि दिएका थिए ।

शास्त्रीय संगीतमा निकै लोकप्रियता कमाएका उनी जसरंगी अन्दाजमा गाउँदै आएका थिए । उनले भारत, क्यानडा, अमेरिकालगायतका देशमा आफ्ना शिष्यलाई संगीत सिकाउनका लागि पुग्ने गरेका थिए ।

उनी आफू पनि आफ्ना शिष्यबाट सिक्न सधै लालायित हुने गरेका थिए । सन् १९३० जनवरी २८ का दिन हरियाणा प्रान्तको हिसारमा जन्मिएका उनी आठ दशकभन्दा बढी संगीत क्षेत्रमा बिताएका थिए ।

थुप्रै सम्मानबाट विभुषित बनेका उनलाई सरकारले थप सम्मान प्रदान गर्नका लागि गत वर्षको अगस्टमा ‘इन्टरनेशनल एस्ट्रोनाँमिकल यूनियन (आईएयु)’ को सौर्यमण्डलको एक ग्रहको नाम उनको नाममा राखिएको थियो ।

यो सम्मान पाउने उनी पहिलो भारतीय कलाकार हुन् । उनीभन्दा अगाडि यो सम्मानबाट मोजार्ट बिथोवन र टेनर लुसियाने पावारोत्तिलाई सम्मानित भएका थिए ।

स्वर्गीय चौधरीको परि ...

झुम्का । एलआइसि बिमाका बिमित स्वर्गीय शतिस चौधरीको परिव ...

आशालाई थप सहयोग जुट् ...

विजयपुर । कोरोना भाइरसबाट बच्न सरकारले लगाएको लकडाउनबाट ...

झापाका २ स्थानबाट ब ...

 ब्लाष्टखबर । झापाका २ स्थानबाट लागूऔषध ब्राउनसु ...

हाेटलकाे शाैचालयमा प ...

ब्लाष्टखबर । दार्चुलामा एक हाेटलकाे शाैचालयमा प्रहरी ना ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved