Trending Tags

चार बालबालिका बम विस्फोटमा मृत्युः जहाँ २०६२ सालमा ठूलो भिडन्त भएको थियो

alt
  • बैशाख १९, २०७७
  • ब्लाष्ट खबर

राेल्पा / रोल्पाको त्रिवेणी गाउँपालिका गैरीगाउँका बालबालिका जंगलबाट बाख्रा चराएर घर फर्कदैं थिए । उनीहरु एकैघरका दिदीभाइसहित चारजना थिए । बाँस बस्न घर फर्कदैं गरेका उनीहरु पुग्न पाएनन् ।

रोल्पाको त्रिवेणी गाउँपालिका–७ गैरीगाउँनजिक बम विस्फोटमा परी एकैघरका दिदीभाइसहित चार बालबालिकाको विहीबार मृत्यु भएको थियो । गैरीगाउँका ११ वर्षीया विमला खत्री, उनका पाँच वर्षीय भाइ विजय खत्री, छिमेकी १४ वर्षीय नोखिराम डाँगी र १३ वर्षीय गौरव नेपाली अव कहिल्यै घर नफर्कने भएका छन् ।

जंगलमा बाख्रा चराएर घर फर्किँदै गर्दा बिहीबार साँझ उनीहरू बाटोमा विस्फोटमा परेका हुन् । बम घटनास्थलमै थियो अथवा उनीहरूले जंगलमा भेटेर ल्याएका थिए भन्ने पुष्टि हुन नसकेको गाउँपालिका अध्यक्ष शान्तकुमार ओलीले बताए । तर, घटनास्थलमा अर्को बम पनि भेटिएको छ ।

बालबालिका विस्फोटमा परेकै ठाउँमा ०६२ मा भिडन्त भएको जानकारहरुले बताएका छन् । बालबालिका विस्फोटमा परेकै ठाउँ गैरीगाउँको दुम्लाखोलामा ०६२ मा तत्कालीन नेकपा माओवादी र शाही सेनाबीच भिडन्त भएको हो । सो भिडन्तलाई ‘दुम्ला भिडन्त’ भनेर चिनिदैं आएको छ । भिडन्तमा तत्कालिन माओवादी सेनाका कम्पनी कमिसार तथा पूर्वराष्ट्रिय सभा सदस्य राजकुमार कुँवर घाइते भएका थिए । त्यहाँ सेनासँग ०६२ को ११ पुसमा बिहान ७ बजेदेखि बेलुका ५ बजेसम्म भिडन्त भएको बताइएको छ ।

‘बिहीबार टुइन्च मोर्टार बम विस्फोट भएको थियो । त्यो भिडन्तमा तिनै हतियारहरु प्रयोग भएका थिए ।

gaerigau_tila bazar

घटनास्थल नजिककाे टिला बजार ।

कृषिलाई प्रमुख प्राथ ...

विराटनगर । प्रदेश नं. १ का आर्थिक मामिला तथा योजना मन्त ...

विराटनगरबाट सवा तीन ...

धरान । भारतबाट भन्सार छली गरी भित्र्याइएको करिब सवा तीन ...

राष्ट्रिय जनमुक्ति फ ...

धरान । राष्ट्रिय जनमुक्ति पार्टी ताप्लेजुङ फुङलिङ नगर क ...

विराटनगरमा २१४ र धरा ...

विराटनगर । प्रदेश १ मा आज ६३७ जना कोरोना संक्रमित थपिएक ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved