बीपी प्रतिष्ठानमा सुरक्षागार्डको ‘मोबाइल टोली' ५० वटा सिसी क्यामेरा जडान गरिँदै

alt
  • चैत्र ६, २०७६
  • ब्लाष्ट खबर

धरान / धरानस्थित बीपी कोइराला स्वास्थ्य विज्ञान प्रतिष्ठानमा सुरक्षाको जिम्मा पाएको भिआइपी सेक्युरिटी सर्भिस प्रालिले मोबाइल टोली परिचालन गरेको छ ।
प्रतिष्ठानमा हुने चोरी तथा विभिन्न स्थानमा हुने भीडभाडलाई नियन्त्रण गर्न मोबाइल टोली बनाएको हो । भिआइपीले गत फागुन १५ गतेदेखि सुरक्षाको जिम्मेवारी पाएको छ । २४ सै घण्टा सुरक्षा फिल्ड कमाण्डर धनबहादुर राईको नेतृत्वमा ६ जनाको मोबाइल टोली बनाएको कम्पनीका निर्देशक टेक लोहनीले जानकारी दिए । चोरीलगायत नियन्त्रण गर्न सादा पोसाकमा समेत सुरक्षा गार्ड परिचालन गरिएको लोहनीले जानकारी दिए । गस्ती टोलीले २० दिनको अवधिमा ४ जना शङ्कास्पद युवालाई पक्राउ गरी प्रहरीमा बुझाएको छ । सुनसरीको रामधुनी घर बताउने मनोज सुब्बा भन्ने आयोग्य कार्की र इटहरी–५ का नगेन्द्र राउतबाट विभिन्न साइजको मोटरसाइकलको तीनवटा मास्टर कीसहित प्रतिष्ठानको आकस्मिक कक्ष पछाडिबाट नियन्त्रणमा लिएको छ । उनीहरूको साथबाट गाँजासमेत बरामद भएको निर्देशक लोहनीले जानकारी दिए । यस्तै सोही दिन सर्जिकल वार्डबाट दमकका अनिल शर्मा र भोजपुर घर बताउने नाम नखुलेका एकजनालाई पक्राउ गरी इलाका प्रहरी कार्यालय धरानमा जिम्मा लगाएको छ ।

vip
यसैगरी ५ वटा मोटरसाइकल र स्कुटी बेवारिसे अवस्थामा फेला पारी सम्बन्धित धनीलाई बुझाएको छ । कम्पनीले प्रतिष्ठानले तोकिएको निःशुल्क पार्किङस्थलमा सवारी राखी राम्ररी लक गर्नसमेत अनुरोध गरेको छ । कम्पनीको अनुरोधमा जिओपिडी, इमेरजेन्सी, मेन गेट, डेण्टल गेटलगायत स्थानमा ५० वटा सिसी क्यामेरा जडान गर्ने तयारी गरेको छ । चाँडै नै सिसी क्यामेर जडान गरिने प्रतिष्ठानका मेट्रोन उपेन्द्र यादवले जानकारी दिए । प्रतिष्ठानमा कम्पनीका १ सय ३२ जना सुरक्षा गार्ड परिचालन गरिएको छ ।

tek lohoni

आचार्यद्वारा निर्वाच ...

धरान  / नेपका स्थायी कमिटी सदस्य तथा प्रदेश १ ...

सुन तस्करीका अभियुक् ...

विराटनगर /  यूएईमा पक्राउ परेका साढे ३३ किलो सुन त ...

गाँजा खेती गरेको आरो ...

धरान । गाँजा खेती गरेको आरोपमा धरान–१३ बाट एक युव ...

धरानबाट ब्राउन सुगरस ...

धरान । धरान प्रहरीले ब्राउन सुगरसहित तीन युवालाई नियन्त ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved