जल यातायात व्यवसायीद्वारा सुरक्षाको माग

alt
  • फाल्गुन ३, २०७६
  • ब्लाष्ट खबर

रङ्गेली । स्थानीयबाट सुरक्षा खतरा बढेको भन्दै सप्तकोशी नदीमा सञ्चालित पानीजहाज व्यवसायीले बन्द गरेका छन् ।

व्यवसायीका अनुसार कमिसन, रोजगारी, बुकिङ र स्थानीय दादागिरीलगायतका कारणले सञ्चालन गर्न नसकेका हुन् ।केही दिनयता जहाज बाँधेर रोकिदिने, धाकधम्की दिने गरेपछि असुरक्षा महसुस भएकोले उचित समाधान र सुरक्षाको प्रत्याभूति नभएसम्म आफूहरू सेवा बन्द गर्न बाध्य भएको महासङ्घले जनाएको छ ।

वैधानिक भाडादर, सुरक्षालगायतको माग गर्दै सेवा बन्द गरेको व्यवसायीहरूले बिहीबार पत्रकार सम्मेलन गरी जानकारी गराएका थिए । बुधबारदेखि पूर्णरूपमा सेवा बन्द गरेको नेपाल जलयातायात व्यवसायी महासङ्घका केन्द्रीय सदस्य राजन कार्कीले बताए ।
भारत विहारबाट आएका ६ जना पर्यटकसहित गएको जहाजलाई धनकुटाको शहीदभूमि गाउँपालिकामा माघ २९ गते ६ घण्टाभन्दा बढी समय रोकेपछि आफूहरू सेवा बन्द गर्न बाध्य भएको कार्कीले बताए ।
सप्तकोशीमा जलयातायात शुरु भएको २ वर्ष भए पनि स्थानीयको अवरोधले लगानी डुब्ने अवस्थामा पुगेको व्यवसायी बताउँछन् । स्थानीय यात्रुमध्ये झण्डै १० प्रतिशतलाई निःशुल्क चढाउनु पर्ने अवस्था रहेको सप्तोकोशी टुरिजम एण्ड वाटर ट्रान्स्पोर्टेसन प्रालिका सञ्चालकसमेत रहेका राजेन्द्र कार्कीले बताए ।

सुनसरीको चतरादेखि भोजपुरको हतुवागढी गाउँपालिका हसनपुरसम्मको लागि ४ वटा कम्पनीले जलयातायात सञ्चालन गरिरहेका छन् । २१ किलो मिटर यात्राको ७ वटा जहाज सञ्चालनमा रहेका छन् । एकतर्फी भाडा प्रतिव्यक्ति ५ सय रहेको छ । दैनिक ५ देखि ७ सयले यात्रा गरिरहेका छन् । बङ्गलादेश, भारत र भुटानका पर्यटकको पनि उल्लेख्य उपस्थिति रहने गरेको सञ्चालक कार्कीले बताए ।
यात्रुको सुरक्षाको लागि लाइफ ज्याकेट, पौडीवाज र बिमा गरिएको कार्कीले बताए ।

लकडाउनमा काङ्ग्रेसको ...

धरान / कोरोना भाइरसको जोखिमबाट बच्न सरकारले लकडाउन ...

लकडाउनमा ब्राउन सुगर ...

मोरङ/मुलुक लकडाउन भइ ...

गायक डिल्ली फोम्बोको ...

धरान । गायक डिल्ली फोम्बोको नयाँ गीतको भिडियो रिलिज भएक ...

केकीको धमाकेदार प्रस ...

धरान । माया पुन मगरको नयाँ गीत ‘नेपालकी छोरी&rsqu ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved