रोकिएन कोशीटप्पुकाे वन फँडानी संरक्षण गर्न खटिएका वार्डेनसहितका उच्चपदस्थ कर्मचारीको मिलेमतोमा घाँसे मैदानको नाममा वन फँडानी

alt
  • फाल्गुन ३, २०७६
  • मिकाइल आलम

भण्टाबारी । कोशीटप्पु वन्यजन्तु आरक्षमा वन फँडानी हुने क्रम रोकिएको छैन । कोशीटप्पु वन्यजन्तु आरक्षकै कर्मचारीको मिलेमतोमा वन फँडानी हुँदै आएको कोशी गाउँपालिका क्षेत्रका जनप्रतिनिधिले दाबी गरेका छन् । संरक्षण गर्न खटिएका वार्डेनसहितका उच्चपदस्थ कर्मचारीको मिलेमतोमा घाँसे मैदानको नाममा वन फँडानी हुने गरेको उनीहरूले आरोप लगाएका हुन् ।

सुनसरी, सप्तरी र उदयपुर जिल्लाका ७५ किलोमिटरमा फैलिएको कोशी गाउँपालिका–३ मा अवस्थित कोशीटप्पु वन्यजन्तु आरक्षमा वन कटानी र फँडानी हुने गरेको स्थानीयले आरोप लगाएका छन् । कोशीटप्पु वन्यजन्तु आरक्षको ९४५ स्परको उत्तरतर्फ लगाइएको सिसौ, सिमल, खयरलगायतका रुख धमाधम फँडानी भएको समाचार प्रकाशित भए पनि सम्बन्धित निकायले चासो देखाएको पाइँदैन ।

बासस्थानको अभावमा लोपोन्मुख अवस्थामा रहेका प्रजातिको संरक्षण गर्ने उद्देश्यले घाँसेमैदान बनाउन बोटबिरुवा काटिएको आरक्षका वार्डेनले दाबी गरे पनि स्वीकृति बिना वन फँडानी गरिएको कोशी गाउँपालिकाका अध्यक्ष ऐयुब अन्सारी बताउँछन् । कोशीटप्पु वन्यजन्तु आरक्ष पश्चिम कुसाहाका वार्डेन रामदेव चौधरीकै मिलेमतोमा वन फँडानी भएको उनको आरोप छ । वार्डेन रामदेव चौधरीसहितका कर्मचारीको मिलेमतोमा ठूलो सङ्ख्यामा खयर र सिसौका रुख काटिएको बताइएको छ ।

सयौंको सङ्ख्यामा रुख र बिरुवा काटिएको दाबी गर्दै अध्यक्ष अन्सारीले संरक्षणकर्मीकै मिलेमतोमा काठ काटिनु दुःखद् भएको बताए । पहिला–पहिला रुख काट्न वन कार्यालयबाट आदेश लिनुपर्ने हुन्थ्यो तर अहिले कोशीटप्पु वन्यजन्तु आरक्षका वार्डेनकै आदेशमा रुख काटिने गरिएको स्थानीय जनप्रतिनिधिको आरोप छ । कोशीटप्पु वन्यजन्तु आरक्षका वार्डेन रामदेव चौधरीले कुनै पनि निकायसँग समन्वय नगरी रुख काटेको स्रोतको दाबी छ ।

अध्यक्ष अन्सारी भन्छन्, ‘के कति रुख काटियो ? एकिन भएको छैन ।’ काठ तस्करी गराउने उद्देश्यले रुख काटिएको देखिएकोले यसतर्फ सबैको ध्यान पुग्नुपर्ने आवश्यकता रहेको उनले बताए । आरक्षका वार्डेनकै आदेशमा रुख र बिरुवा काट्ने, चिराउने र घरमा ल्याएर बेच्ने गरेको आरोप लगाइएको छ । कोशीटप्पु वन्यजन्तु आरक्षका वार्डेन चौधरीले जनताको सम्पत्तिलाई आफ्नो व्यक्तिगत ठानेर फँडानी गरेकोले तत्काल कदम चाल्न अध्यक्ष अन्सारीले आग्रह गरेका छन् । कोशीटप्पु वन्यजन्तु आरक्षमा डेढ सयदेखि दुई सय बिघा जग्गामा लगाइएको रुख र बिरुवा फँडानी गरिएको भन्ने डेढ महिनाअगाडि स्थानीय योगेन्द्र उराँवसहितले जिल्ला प्रशासन कार्यालय सुनसरीमा ज्ञापन–पत्रसमेत बुझाएको बताइएको थियो ।

कोशीटप्पु वन्यजन्तु आरक्षबाट फँडानी गरिएका खयर र सिसौको रुख विभिन्न समितिमार्फत् तस्करी हुने गरेको बताइएको छ । जसमा वार्डेनलगायतको संलग्नता रहेको स्रोतको दाबी छ । कोशीटप्पु वन्यजन्तु आरक्षको वन फँडानी भएको बारेमा निष्पक्ष छानबिन गरी सत्य–तथ्य बाहिर ल्याई दोषीलाई कानूनबमोजिम कारबाही गर्न स्थानीयले माग गरेका छन् । यता कोशीटप्पु वन्यजन्तु आरक्षका वार्डेन रामदेव चौधरीले भने आरोप निराधार भन्दै ठाडै अस्वीकार गरेका छन् ।

बासस्थानको अभावमा लोपोन्मुख अवस्थामा रहेका वन्यजन्तुको संरक्षण गर्ने उद्देश्यले बोटबिरुवा काटिएको वार्डेन चौधरीको भनाइ छ । बोटबिरुवा काटेर घाँसै मैदान बनाउने योजना रहेको चौधरी बताउँछन् । यसैबीच कोशीटप्पु वन्यजन्तु आरक्षमा आउने पर्यटकलाई आरक्षका कर्मचारीले राम्रो व्यवहार नगर्दा पर्यटकहरू निराश भएर फर्किने गरेको गुनासोसमेत आएको छ ।

कुम्मायक गाउँपालिकाक ...

पाँचथर,यासोक/पाँचथरको कुम्मायक गाउँपालिका ५ स्याबरुम्बा ...

नाेबेलका डा. सुनील श ...

पथरीशनिश्चरे/कोरोना भाइरसको संक्रमणबाट बच्न गरिएको बन्द ...

पत्रकारलाई समाचार सं ...

धनकुटा/धनकुटाका पत्रकारलाई समचार संकलन गर्ने कार्यमा रो ...

बीपीमा नियुक्त भएका ...

धरान । बीपी कोइराला स्वास्थ्य विज्ञान प्रतिष्ठान धरानमा ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved