सशस्त्र प्रहरीका इन्स्पेक्टर विरुद्ध विशेष अदालतमा मुद्धा दायर

alt
  • माघ ९, २०७६
  • ब्लाष्ट खबर

धरान  / सशस्त्र प्रहरी वल विओपी बखरी मोरङका तत्कालीन कार्यालय प्रमुख सशस्त्र प्रहरी निरीक्षक अमृत थापा र सशस्त्र प्रहरी जवान शशित नारायण विश्वास विरुद्ध अख्तियार अनुसन्धान आयोगले विशेष अदालतमा मुद्धा दायर गरेको छ ।

सशस्त्र प्रहरी वल विओपी बखरी मोरङमा कार्यरत सशस्त्र प्रहरी जवान शशित नारायण विश्वासले भारतबाट प्याज ल्याउने कार्यमा सहजीकरण गरिदिने प्रयोजनका लागि सेवाग्राहीसँग घुस रकम माग गरिरहेको भन्ने उजुरी एवं सूचनाको आधारमा अख्तियार दुरुपयोग अनुसन्धान आयोगको कार्यालय इटहरीबाट खटिई गएको टोलीले निज शशित नारायण विश्वासलाई सेवाग्राहीबाट रु। ५,५०० घुस लिइरहेको अवस्थामा नियन्त्रणमा लिएको थियो ।

सशस्त्र प्रहरी वल विओपी बखरी मोरङमा कार्यरत शशित नारायण विश्वासले सशस्त्र प्रहरी वल विओपी बखरी मोरङका तत्कालीन कार्यालय प्रमुख सशस्त्र प्रहरी निरीक्षक अमृत थापाको आदेश र निर्देशानुसार सेवाग्राहीसँग भारतबाट नेपालमा ल्याइने प्याज ओसारपोसारको काम सहज गरिदिने भनी रकमको वार्गेनिङ गरी आफ्नो जिम्मेवारी र पदीय दायित्वसमेत ख्याल नगरी बदनियतपूर्वक घुस लिएको भेटिए पछि नियन्त्रणमा लिएर विशेष अदालतमा आज मुद्धा दायर गरिएको अख्तियारका प्रवक्ता प्रदिप कोइरालाले जानकारी दिए ।
उनीहरुलाई भ्रष्टाचार निवारण ऐन, २०५९ को दफा ३ को उपदफा (१) बमोजिमको कसुर अपराध भएको देखिंदा बिगो ५ हजार ५ सय कायम गरी निजहरु अमृत थापा र शशित नारायण विश्वासलाई भ्रष्टाचार निवारण ऐन, २०५९ को दफा ३ को उपदफा (१) र दफा ३ को उपदफा (१) को देहाय (क) बमोजिम सजाय माग दावी गरिएको छ ।

धरानका निजि विद्यालय ...

ब्लाष्टखबर । धरानका निजि विद्यालयका अविभावकहरूले  ...

बराहक्षेत्रमा थप २ ज ...

बराहक्षेत्र । वराहक्षेत्र नगरपालिकामा थप दुईजनालाई कोरो ...

हिलेपार्क जोन प्रयोग ...

धनकुटा । प्रदेश सरकार वन, वातवरण तथा पर्यटन मन्त्रालय व ...

झापाका काेराेना संक् ...

ब्लाष्टखबर । झापामा काेराेना संक्रमित एक पुरूषकाे मृत्य ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved