पूर्वको सङ्गीत यात्रामा मेलिना

alt
  • आश्विन १०, २०७६
  • ब्लाष्ट खबर

धरान/दशैं, तिहारजस्ता ठूला चाड नजिकिँदै गर्दा गायिका मेलिना राईको व्यस्तता बढ्दो छ ।

एकपछि अर्को चर्चित गीत गाइरहेकी मेलिना केही दिनयता पूर्वका विभिन्न ठाउँमा दैनिक भइरहेका साङ्गीतिक कार्यक्रममा व्यस्त छिन् । असोज ८ मा उदयपुरको गाईघाटमा आयोजित साङ्गीतिक कार्यक्रममा प्रस्तुति दिएकी मेलिनाले असोज ९ मा झापाको सुरुङ्गामा आइन् ।

आज (असोज १०मा) उनी भेडेटारको थुम्कीस्थित भेडेटार भिलेज रिसोर्टमा आयोजित साङ्गीतिक कार्यक्रममा प्रस्तुति दिँदैछिन् । त्यसैगरी भोलि (असोज ११ मा) इटहरीमा हुने ‘नेपाल आइस प्रादेशिक सङ्गीत यात्रामा गाउँदैछिन् ।

मेलिनाले यसपटकको पूर्वको साङ्गीतिक कार्यक्रममध्ये ठूलो कार्यक्रम मानिएको प्रादेशिक सङ्गीत यात्रामा उनलाई गायक छेवाङ लामा र एपी शेर्पाले साथ दिनेछन् । कार्यक्रममा प्रदेश नं. १ स्तरीय स्टेट वान सिङ्गिङ आइडलका टप १३ का फाइनलिस्टको समेत प्रस्तुति रहने बताइएको छ ।

कार्यक्रम सात्विक कुकिज र वाईवाई चाउचाउको सहभागितामा तथा नेपाल आइसको मुख्य प्रयोजनमा सिल्भर इन्टरटेनमेन्टले आयोजना गरेको हो ।

प्रदेश नं. १ पछि प्रदेश नं. २ को मुख्य शहर जनकपुरमा आगामी छैठपर्वको अवसरमा नेपाल आइस प्रादेशिक सङ्गीतयात्रा आयोजना हुने र लगत्तै अन्य प्रदेशका मुख्य शहरहरूमा पनि कार्यक्रम आयोजना गरिने आयोजक सिल्भर इन्टरटेनमेन्टले जनाएको छ ।

शंखधर साख्वा प्रवेशद ...

धनकुटा / धनकुटा नगरपालिका वडा नं.७ त्रिवेणी चोकस्थित सब ...

प्रदेश १ को ९ जिल्ला ...

विराटनगर / संखुवासभामा शनिबार २ जना कोरोना संक्रमित पुष ...

संखुवासभामा देखियो द ...

संखुवासभा । संखुवासभामा पहिलो पटक दुई जनामा कोरोना देखि ...

रुकुम घटनाः दोषीमाथि ...

पथरी । रुकुम पश्चिमको चौरजहारीमा भएको नवराज विक सहित ३ ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved