परमिताले तेलुगू सुपरस्टार गोपीचन्दसँग फिल्म गर्दै

alt
  • भदौ ३०, २०७६
  • ब्लाष्ट खबर

‘चपली हाइट २’ बाट नेपाली फिल्ममा डेब्यू गरेकी बोल्ड एण्ड व्यूटिफूल एक्ट्रेस परमिता आरएल राणाले पहिलो पटक तेलुगू फिल्ममा अभिनय गर्ने भएकी छन् । तेलुगू फिल्मका एक्सन सुपरस्टार गोपीचन्दको प्रमुख भूमिका रहने बेनामे फिल्ममा उनी लिड अभिनेत्रीको रुपमा रहेकी छन् । गोपीचन्दसँग फिल्ममा उनको जोडी बाँधिएको छ ।

पछिल्लो रिलिज फिल्म ‘चंगाचेट’ पछि पर्दामा देखिएकी उनको पहिलो तेलुगू फिल्मको शुक्रबार हैदरवादको एक मन्दिरमा शुभमुहूर्त गरिएको छ । बिनु सुब्रह्मण्यमले फिल्मको निर्देशन गर्नेछन् । यही फिल्मबाट उनले निर्देशनमा डेब्यू गर्न लागेका हुन् । निकै ठूलो बजेटमा निर्माण हुने बताइएको फिल्मलाई विभिएसएन प्रसादले निर्माण गर्दैछन् ।

पहिलो तेलुगू फिल्मलाई लिएर आफू निकै उत्साहित रहेको अभिनेत्री परमिताले बताएकी छन् । ‘टलीवुडका सुपरस्टार गोपी चन्दसँग प्रतिष्ठित एसवीसीसी फिल्म ब्यानरबाट मेरो पहिलो तेलुगू फिल्ममा समान पर्दा साझेदारी गर्न पाउँदा आफूलाई सम्मानित महशुस गरेकी छु’, उनले गोपीचन्दसँग फिल्मको मुहूर्तको तस्वीर फेसबुकमा साझेदार गर्दै लेखेकी छन् ।

तेलुगू फिल्ममा काम गर्ने अवसर पाउँदा आफूले गर्व महशुस गरेको उनले बताएकी छन् । अर्को वर्षको जूनबाट यो फिल्मको नियमित छायांकन सुरु हुनेछ । एक्सन-थ्रिलर जनरामा निर्माण हुने फिल्ममा मणि शर्माले संगीत भर्नेछन् । नेपाली फिल्ममा आफूलाई अभिनेत्रीको रुपमा स्थापित गर्न संघर्षरत परमिताको नयाँ फिल्म ‘द कर्मा’ प्रदर्शनको पखाईमा छ ।

‘चपली हाइट २’ पछि उनले केही नेपाली फिल्ममा अभिनय गरिन् । तर, कुनैले बक्सअफिसमा गतिलो व्यापार गरेनन् । यद्यपि, उनको अभिनयको भने चर्चा हुने गरेको छ । विशेषगरि प्रेम र ब्रेकअपका कारण चर्चामा रहने उनले आफ्नो आवाजमा केही गीत समेत निकालिसकेकी छन् । अब उनी आफूलाई तेलुगू फिल्ममा स्थापित गर्ने सोचमा देखिएकी छन् ।

साभारः फिल्मीखबर

धरानका २ सय यातायात ...

लामो समयदेखि सार्वजनिक यातायता नचलेर समस्यामा परेका यात ...

वडाध्यक्ष इवारमको पह ...

धरान  / लामो समयदेखि सार्वजनिक यातायता नचलेर ...

माक्स नलगाई हिड्नेला ...

ब्लाष्टखबर । पछिल्लाे समय मानिसहरूमा  काेराेना सक् ...

प्रदेश १ मा ७१० संक् ...

ब्लाष्टखबर । पछिल्लाे २४ घण्टामा नेपालमा १ सय ८० ज ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved