अपाङ्गताको नीतिका लागि अभिमुखिकरण

alt
  • मंसिर १७, २०७५
  • ३५८ पटक पढिएको
  • ब्लाष्ट खबर

पथरीशनिश्चरे/ नेपाल अपाङ्ग महिला संघ मोरङले अपाङ्गगता भएका व्यक्तिहरुलाई स्थानीय तहको नीति निर्माणमा सहभागि गराउनु पर्ने प्रावधानका बारेमा जिल्लाका स्थानीय तहमा अभिमुखीकरण अभियान सञ्चालन गरेको छ ।

आइएफइएस नामक गैरसरकारी संस्थाको सहयोगमा ‘अधिकारका लागि अभियान प्रभावकारी नीति निर्माणका लागि अपंगता भएको महिलाहरुको सशक्तिकरण’ परियोजना अन्तर्गत मोरङका ५ वटा पालिकामा यो कार्यक्रम सञ्चालनमा आएको छ ।

पथरीशनिश्चरे, सुनवर्षी, लेटाङ, सुन्दरहरैंचा नगरपालिका र ग्रामथान गाउँपालिकामा परियोजना अघि बढेको संघकी जिल्ला सचिव मीना आचार्यले जनाइन् ।

जसमध्ये पहिलो चरणमा पथरीशनिश्चरे र ग्रामथानमा अभिमुखिकरण कार्यक्रम भएको र अन्यमा हुने क्रममा रहेको छ । यस क्रममा विहीवार पथरीशनिश्चरे नगर कार्यपालिकाका सदस्यहरुमाझ अभिमुखिकरण कार्यक्रम सम्पन्न भएको हो ।

जिल्ला अध्यक्ष भीमा खतिवडाले स्थानीय तहमा बन्ने हरेक समितिमा अपाङ्गगता भएका व्यक्तिहरुलाई समेत समावेश गराउनु पर्ने राज्यको नीतिलाई अवलम्वन गराउनु पर्ने प्रष्ट्याइन् ।  पथरी शनिश्चरे नगरपालिका उपप्रमुख यमुना बिष्ट बास्तोलाको प्रमुख आतिथ्यमा सम्पन्न कार्यक्रममा वडाअध्यक्ष, कार्यपालिका सदस्य, विषयगत शाखाका प्रमुख सहितको सहभागिता रहेको थियो ।

संघको तर्फबाट सो नगरका लागि विद्या लुईटेल सामाजिक परिचालकका रुपमा रहेकी छन् । यो ८ महिने परियोजना रहेको उल्लेख छ ।

लेटाङमा कृत्रीम सामग्री :
उता, सीवीआर विराटनगरको सहयोगमा लेटाङ नगरपालिकाले अपाङगता भएका ३४ जनालाई कृत्रिम सामग्री बितरण गरेको छ । जसमा ट्राईसाईकल, एल्बो लठ्ठी, आधुनिक जुत्ता, वाकर, बैशाकी र कृत्रीम खुट्टा बितरण गरिएको नगर प्रमुख शंकर राईले जनाए । ४ लाखको लागतमध्ये लेटाङ नगरपालिकाले २ लाख सहयोग उपलब्ध गराएको थियो ।

बराह ज्वेलरीमा बालबा ...

धरान / धरानको बराह ग्रुपले धरानमा बालबालिका लागि सैलुन ...

पाँचौ पानवारी भलिबलक ...

धरान /  पानवारी भलिबल कपको पाँचौ संस्करणको उपाधी ब ...

पार्टी नेतृत्व नसच्च ...

विराटनगर / नेपाली कांग्रेसकी केन्द्रीय सदस्य सुुजा ...

कवि राजकुमार कार्कीक ...

इटहरी / इटहरीमा बरिष्ठ कवि तथा पत्रकार राजकुमार का ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved