झापा/ प्रहरीले लागूऔषध खैरो हेरोइनसहित झापामा २ जनालाई पक्राउ गरेको छ।
पक्राउ पर्नेमा दमक नगरपालिका–१० बस्ने २० वर्षीय राजिव पौडेल र १८ वर्षीय आकाश रणपहेली रहेका छन्। आइतबार प्रहरीले उनीहरुको साथबाट ५ सय मिलिग्राम खैरो हेरोइन बरामद गरेको हो।
मेचीनगर नगरपालिका–६ पुरानो भन्सार कार्यालय अगाडि लागूऔषध नियन्त्रण व्युरो काँकरभिट्टाबाट खटिएको प्रहरी टोलीले भारतबाट नेपालतर्फ आउँदै गरेको मे ६ प ९३६५ नम्बरको मोटरसाइकलमा सवार उनीहरुलाई शंका लागी चेकजाँच गर्दा आकाश रणपहेलीको साथबाट लुकाईछिपाई ल्याएको उक्त लागूऔषध फेला परेको प्रहरीले जनाएको छ।
यस सम्बन्धमा प्रहरीले आवश्यक अनुसन्धान गरिरहेको जनाएको छ।
