घाँस काट्ने क्रममा रूखबाट लडेर एक जनाकाे मृत्यु भएकाे छ । मृत्यु हुनेमा बराहक्षेत्र नगरपालिका २ पुनरबासका ३५ वर्षीय उज्वल लुइँटेल रहेकाे इलाका प्रहरी कार्यलय चक्रघट्टि का प्रहरी निरीक्षक पांडव कुमार राजवंसीले बताएका छन् ।
उनका अनुसार बुधबार दिउँसो करिब डेढ बजे घाँस काट्न जंगलमा पुगेका उनी घाँसकाट्ने क्रममा रूखबाट लडेर मृत्यु भएकाे हाे । घटनाकाे सुचना पाएसंगै घटनास्थल पुगेकाे प्रहरी टाेलीले शवको प्रकृति मुचुल्का गरी पोस्टमार्टमका लागि धरानस्थित बीपी काेइराला स्वास्थ विज्ञान प्रतिष्ठान ल्याइएकाे थियाे ।
मृतकको बिहिबार चतरास्थित आर्यघाटमा दाहसंस्कार गरिएको छिमेकी अमर कटुवालले जानकारी दिए ।
