संयुक्त राज्य अमेरिकाको दक्षिण पश्चिमी राज्य युटामा आइतबार एउटा भयानक दुर्घटना भएको छ ।
द न्युयोर्क टाइम्सका अनुसार धुलो र बालुवा मिसिएर आएको आँधीका कारण गत आइतबार उक्त दुर्घटना भएको हो ।
मृत्यु हुनेमा बालबालिका पनि रहेका छन् ।
मृत्यु भएका आठ जनामध्ये पाँच जना एउटै कारमा रहेको अधिकारीहरूले जनाएका छन् ।
दुर्घटनामा परी अरू १० जना मानिस घाइते भएका छन् ।
उनीहरुलाई एम्बुलेन्स र एयर एम्बुलेन्सबाट अस्पताल लगिएको छ ।
घाइतेमध्ये तीन जनाको अवस्था गम्भीर रहेको जनाइएको छ ।
आँधीका कारण चालकहरूले अगाडिको बाटो नदेखेपछि कानोस सहर नजिकैको इन्टरसेक्सन १५ मा ती सवारी साधनहरू दुर्घटनामा परेका हुन् ।
सुरूमा एक जना चालकले गाडी रोकेपछि तीव्र गतिमा रहेका अरू सवारी साधनहरू पनि एकअर्कासँग ठोक्किएका थिए ।
