Trending Tags

क्यान्सर परास्त गर्ने अभिनेता सञ्जय दत्तको भनाइ

alt getty_images
  • कार्तिक १, २०७७
  • ब्लाष्ट खबर

धरान । बलिउडका अभिनेता सञ्जय दत्तले आफूलाई क्यान्सर भएको पुष्टि गरेका छन् । ६१ वर्षीय दत्तले सामाजिक सञ्जाल इन्स्टाग्राममार्फत एक भिडियो सन्देश प्रवाह गर्दै क्यान्सरलाई चाँडै नै परास्त गर्ने दाबी समेत गरे ।

केही समय यतादेखि उनलाई क्यान्सर भएको अनुमानसहितका समाचारहरू बाहिर आएका थिए । तर, हालै आएर दत्त स्वयम्ले पुष्टि गरेका हुन् । हालसम्म १५० भन्दा बढी फिल्ममा अभिनय गरिसकेका उनले आगामी नोभेम्बरदेखि नयाँ फिल्ममा खेल्न लागेका छन् ।

उनलाई गत अगस्टमा श्वास फेर्न समस्या भएपछि कोभिड १९ को परीक्षण गरिए पनि कोरोना देखिएको थिएन । त्यसपछि मुम्बईस्थित एक अस्पतालमा परीक्षण गरिएको थियो । उनलाई फोक्सोको क्यान्सर भएको समाचारहरू अपुष्ट रूपमा आए पनि यकिन हुन सकेको थिएन ।

दत्त र उनकी पत्नी मान्यताले छुट्टाछुट्टै विज्ञप्ति प्रकाशित गर्दै आफ्ना फ्यानहरूलाई चिन्ता नलिनका लागि आग्रह गरिएको थियो । उनले आफूले चाँडै नै क्यान्सरलाई पराजित गरेर बाहिर आउने समेत फ्यानहरूलाई बताएका छन् ।

उनी केही समय जेल समेत परेका थिए । सन् २०१३ मा पाँच वर्षसम्म जेल जीवन व्यतीत गरेका उनको त्यो कालमा फिल्मी क्षेत्रबाट अलग भएका थिए । सन् १९९३ मा मुम्बईमा भएको विस्फोटन र बन्दुकसम्बन्धी मुद्दामा उनलाई दोषी ठहर गरिएको थियो । उक्त घटनामा २५७ नागरिकको ज्यान गएको थियो भने ७१३ जना घाइते बनेका थिए ।

यो घटना भारतीयका लागि निकै खतरापूर्ण घटनाको रूपमा लिइन्छ । उनी सन् २०१६ मा जेलमुक्त बनेका थिए । त्यसयता उनी फिल्म नगरीमै फर्किएका छन् । उनको जीवनीमा आधारित फिल्म निकै चर्चामा रहेको थियो । उनको पहिलो पत्नी ऋचा शर्माको सन् १९९६ मा क्यान्सरकै कारण ज्यान गएको थियो । त्यस्तै आमा नरगिसको पनि सन् १९८१ मा क्यान्सरबाटै ज्यान गएको थियो । उनी सन् १९८१ देखि नै फिल्म उद्योगमा प्रवेश गरेका थिए ।

होम आइसोलेसनमा रहेका ...

धरान । होम आइसोलेसनमा रहेका एक कोरोना संक्रमितको बाथरुम ...

गुडिरहेको मोटरसाइकलब ...

धरान । गुडिरहेको मोटरसाइकलबाट अचानक खस्दा झापा गौरीगञ्ज ...

र्यापर भिटेनलाई कारब ...

धरान । हालै सार्वजनिक भएको र्याप भिडियोमा आपत्तिजनक शब् ...

विप्लव समूहका पूर्वी ...

विराटनगर/ नेत्रविक्रम चन्द (विप्लव) नकेपाका पूर्वी कमाण ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved