सरिता गिरीको सांसद् पद चट

alt
  • असार २६, २०७७
  • ब्लाष्ट खबर

धरान/ समाजवादी पार्टीकी सांसद् सरिता गिरीको सांसद् पद गुमेको छ । प्रतिनिधिसभा सचिवालयले गिरीलाई पदमुक्त गरेको हो ।

अबबाट उनको प्रतिनिधिसभा सदस्य पद खारेज भएको छ । पार्टीले नै उनको पद खारेज गर्न आग्रहसहितको निवेदन दिएका आधारमा सांसद् पदबाट निष्काशन गरिएको हो । संसद्का महासचिव डा. भरतराज गौतमले बिहीबार सूचना जारी गर्दै गिरीको समानुपातिक सांसद् पद रिक्त भएको उल्लेख गरे । पार्टीको ह्वीप उल्लङ्घन गरेको भन्दै सांसद् पदबाट निष्काशन गर्नका लागि प्रतिनिधिसभामा पत्र पठाइएको थियो । सोही पत्रका आधारमा पद खारेज गरिएको जनाइएको छ ।

पार्टीको केन्द्रीय कार्यकारिणी समितिको बैठकले राजनीतिक दलसम्बन्धी ऐनअनुसार सांसद् पदबाट खारेज गर्न निर्णय गरेको थियो भने पार्टीका प्रमुख सचेतकमार्फत् संसद् सचिवालयमा पद खारेजीको माग गर्दै पत्र पठाइएको थियो । गत जेठ २७ गते नेपालको निशान छाप परिवर्तन गर्न संविधान संशोधनका लागि मतदान भएको थियो ।

पार्टीले संविधान संशोधनको पक्षमा मतदान गर्न जारी गरेको ह्वीपलाई सांसद् गिरीले उल्लङ्घन गरेपछि पार्टी त्यस्तो निर्णय गर्न बाध्य भएको थियो । उनले संविधान संशोधनको विपक्षमा प्रस्ताव दर्ता गएको कारणले गिरीलाई प्रस्ताव फिर्ता लिन पार्टीले निर्देशन दिँदासमेत अस्वीकार गरेपछि पार्टी रुष्ट बनेको थियो । संसद् सचिवालयले राजनीतिक दलसम्बन्धी ऐन बमोजिम प्रक्रिया पूरा गरेको देखिन आएकाले संविधान बमोजिम निर्णय लिएको सूचनामा उल्लेख छ ।

मिर्गौला पीडित श्रीम ...

ब्लाष्टखबर । दुबै मृगैला फेल भएकी २५ वर्षीय श्रीमती बचा ...

हालसम्म ९९ संक्रमितक ...

ब्लाष्टखबर ।  नेपालमा आज थप ५ सय ९५ जनामा कोरोना स ...

हर्क साम्पाङको रिहाई ...

ब्लाष्टखबर । धरानकाे खानेपानीकाे मुहानमा पाईप तोडफोड गर ...

मोरङको रंगेलीमा २८ स ...

विराटनगर / मोरङको रंगेली नगरपालिका भित्र शुक्रबार २८ जन ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved