शब्द थिएटरको ‘कोरोना’ नाटक

alt
  • असार २४, २०७७
  • ब्लाष्ट खबर

पथरीशनिश्चरे । मोरङको पथरी शनिश्चरे नगरपालिकाले खोप लगाउन खोपकेन्द्रमा आएका बालबालिकाका अभिभावकहरुलाई कोरोना भाइरसको सचेतनाका लागि कचहरी नाटक प्रस्तुत गराएको छ ।

नगरको स्वास्थ्य प्रवद्र्धन अभियान अन्तर्गत बुधबार सहरी स्वास्थ्य केन्द्र पथरी र हसन्दह स्वास्थ्य चौकीमा कचहरी नाटक ‘कोरोना’ प्रस्तुत भएको हो । नगर उपप्रमुख यमुना विष्ट वास्तोला, १ नम्वर वडाध्यक्ष बाबुराम एङ्देन सहितका जनप्रतिनिधिहरुको आतिथ्यतामा नगरकै ‘शब्द थिएटर’का कलाकारहरुले नाटक प्रस्तुत गरेका थिए ।

विदेशबाट आएर क्वारेन्टिनमा नबसेको, कोरोना भाइरस मार्नका लागि भन्दै रक्सि पिएको, कोरोनाबाट बच्न सजकता नअपनाएको तथा कोरोनाबाट ज्यादै त्रसित भएर मानसिक असर समेत परेको विभिन्न पक्षलाई नाटकमा उतारिएको थियो । दर्शकहरुकै सुझावका आधारमा कोरोनाबाट बच्ने सजकता अपनाउने कुरामा कचहरी गरिएको थियो ।

कोरोनाको त्रास होइन सजकता अपनाऔं, मास्क, सेनिटाइजर लगाऔं, सामाजिक दूरी कायम गरौं, साबुनपानीले मिचीमिची हात धोऔं र आफु पनि बचौं र अरुलाई पनि बचाऔं भन्ने सन्देश प्रवाह गरिएको थियो ।

भूपेन्द्र तिम्सिनाको लेखन, जीवन वरालको निर्देशन, सरोज तिम्सिनाको प्रवन्ध सहितको अभिनयमा मेनुका कुलुङ र लीला कुलुङ सामेल थिए ।

यसैबीच, शब्द थिएटरले पहिलो पटक देशव्यापी रुपमा खुला अनलाइन नाटक प्रतियोगिताको आयोजना गरेको छ । १० मिनटसम्मको नाटकको भिडियो तयार पारेर पठाउने प्रावधान बनाइएको प्रतियोगितामा असार २५ सम्म नाटक पठाइसक्नुपर्ने र २९ गते फाइनल गरिने थिएटर निर्देशक जीवन बरालले जनाए । पथरी शनिश्चरे नगरपालिकाको सहकार्यको प्रतियोगिताबाट छनौट पहिलो, दोस्रो र तेस्रो हुने नाटकलाई क्रमशः २५ हजार, १५ हजार र १० हजार नगद प्रदान गरिने छ ।

नगरपालिकाकै सहकार्यमा नगरको कला साहित्य प्रवद्र्धन समितिमार्फत नगरस्तरीय लोकनृत्य प्रतियोगिताको पनि आयोजना गरिएको छ । २ मिनटको नृत्यको भिडियोलाई मुल्यांकन गरी पहिलो हुनेलाई २५ हजार, दोस्रोलाई १५ हजार र तेस्रोलाई १० हजार प्रदान गरिने प्रवद्र्धन समितिको गीत संगीत विभाग संयोजक एवम् कार्यक्रम संयोजक देव गुरुङले जनाए ।

मिर्गौला पीडित श्रीम ...

ब्लाष्टखबर । दुबै मृगैला फेल भएकी २५ वर्षीय श्रीमती बचा ...

हालसम्म ९९ संक्रमितक ...

ब्लाष्टखबर ।  नेपालमा आज थप ५ सय ९५ जनामा कोरोना स ...

हर्क साम्पाङको रिहाई ...

ब्लाष्टखबर । धरानकाे खानेपानीकाे मुहानमा पाईप तोडफोड गर ...

मोरङको रंगेलीमा २८ स ...

विराटनगर / मोरङको रंगेली नगरपालिका भित्र शुक्रबार २८ जन ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved