सप्तकोशीको जेट बोट बन्द, दैनिक ५ सय यात्रु प्रभावित

alt
  • फाल्गुन १, २०७६
  • २,८६६ पटक पढिएको
  • ब्लाष्ट खबर

धरान / प्रधानमन्त्री केपी ओलीले पानी जहाज नेपालमा ल्याउने उद्घोषसँगै प्रदेश १ स्थित सप्तकोशीमा निजी कम्पनिले चलाउदैं आएका पानी जहाज(बोट) हिजोदेखि बन्द भएका छन् ।
स्थानीयको अवरोध तथा व्यवसायीक असुरक्षा बढेको भन्दै जहाज संचालकहरुले सेवा बन्द गरेका हुन । ४ वटा कम्पनिले साना ठूला गरेर ७ वटा जेट बोटबाट चतराकाे कोशी पुलदेखि बराहक्षेत्र हुदैं भोजपुर र धनकुटाको संगमस्थल त्रिवेणी घाटसम्म सेवा दिदै आएका थिए ।
सप्तकोसी टुरिजम एन्ड वाटर ट्रान्सपोर्टेसन, वरुण वाटरवेज, बराहक्षेत्र मरिन एन्ड रिसोर्ट र बराहक्षेत्र जल यातायात तथा पर्यटन सेवा गरी चार कम्पनीले सेवा दिदैं आएका थिए । हिडेर दिनभरी बाटो २० मिनेटमा तय गर्न सजिलो भएका बेला बोट बन्द भए पछि दैनिक ५/७ सय मान्छे प्रभावित भएका छन् ।
सप्तकोसी टुरिजम एन्ड वाटर ट्रान्सपोर्टेसन प्रालिका संचालक राजेन्द्र कार्कीका अनुसार पानी जहाज संचालनका लागि राज्यले कुनै कानुन नबनाएको र सुरक्षा नभएको बताएका छन् । कानुन नहुदा स्थानीयले दुःख दिने काम बढि भएको र व्यवसाय नै धरापमा परेकाले बन्द गर्नु परेको कार्कीले बताए । ‘स्थानीयले ज भन्यो त्यही गर्नु पर्ने। राती पनि सेवा दिनु पर्ने, नदिए धम्की दिने, भाडा बढि भयो भनेर नतिर्ने, हामी एकदमै असुरक्षित भयौं । विचौलियाहरुले दुख दिए । त्यही भएर बन्द गर्न बाध्य भयौं ।’–कार्कीले ब्लाष्टखवरसँग भने ।
बोट संचालन रोकिए पछि घुम्न आउने दैनिक २/३ सय आन्तरिक पर्यटकहरु प्रभावित भएका छन् । कामको सिलसिलामा भोजपुर, खोटाङ, धनकुटाको ग्रामिण भेगबाट तराई आउजाउ गर्ने स्थानीयहरु प्रभावित भएका छन् ।
स्थानीयको दादागिरी र सुरक्षाको पूर्ण ग्यारेन्टी नभएसम्म संचालन गर्न नसकिने बोट संचालकहरुले बताउदैं आएका छन् । आज विराटनगरमा पत्रकार सम्मेलन गरेर उनीहरुले प्रदेश १ सरकारलाईसमेत जानकारी गराएका छन् ।

 

धरान १६ लाई चिनाउन स ...

धरान / धरान १६ स्थित जनपथ जागरन समाजको आयोजना तथा अन्नप ...

एमसिसी कार्यदलले बुझ ...

  काठमाडाै‌ / मिलेनियम च्यालेञ्ज कर्पो ...

वुहानबाट उद्धार गरिए ...

धरान । कोरोनाभाइरसको इपिसेन्टर चीनको वुहानबाट उद्धार गर ...

स्वाराको वार्षिक उत् ...

सुनसरी । इटहरीमा सञ्चालित स्वारा स्किन एण्ड हेयर क्लिनि ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved