भद्रपुर / मादक पदार्थ सेवन गरी ७६ वर्षीया वृद्धामाथि जबरजस्ती करणीको प्रयास गरेको आरोपमा एक युवक पक्राउ परेका छन् ।
पक्राउ पर्नेमा झापा मेचीनगर नगरपालिका ५ का २३ वर्षीय कुमार लिम्बु रहेको जिल्ला प्रहरी कार्यालय झापाले जनाएको छ । लिम्बुले मादक पदार्थ सेवन गरी सोही स्थानकी वृद्धालाई घरमा सुतिरहेको अवस्थामा जवरजस्ती करणी गर्न खोजेको आरोप छ ।
वृद्धालाई घरमै करणीको प्रयास भएको उनका श्रीमानले देखेपछि तत्काल इलाका प्रहरी कार्यालय काकँडभिट्टालाई खबर गरेका थिए । श्रीमानले सीमा प्रहरी चौकी नकलबन्दामा उजुरी दिएपछि लिम्बुलाई बुधबार बेलुका पक्राउ गरिएको जिप्रकाका डिएसपी महेन्द्रकुमार श्रेष्ठले बताए । लिम्बुलाई आवश्यक कारबाहीका लागि इलाका प्रहरी कार्यालय काकँडभिट्टामा राखेर थप अनुसंन्धान भइरहेको प्रहरीले जनाएको छ ।