प्रधानमन्त्री ओलीद्धारा ‘राष्ट्रिय झण्डा’को यसरी अपमान भयो ?

वैशाख ४, २०७५
ब्लाष्ट खबर

काठमाडौं/ प्रधानमन्त्री केपी शर्मा ओलीले राष्ट्रिय झण्डाको अपमान गरेको भन्दै सामाजिक सन्जालमा विरोध सुरु भएको छ ।

रारा पुगेर देशबासीको नाममा सम्बोधन गर्दाको समयमा पछाडि राखिएको राष्ट्रिय झण्डा नियम र तोकिएको राष्ट्रिय झण्डा प्रयोग सम्बन्धीको कार्यविधि विपरित रहेको भन्दै विरोध सुरु भएको हो । कार्यविधिको परिच्छेद २ को ८ (ग)मा प्रष्ट रुपमा राष्ट्रिय झण्डा राख्न पाउने पदाधिकारीको कार्यकक्षमा आसनको दाहिनेपट्टि कुर्सीको समानान्तरमा भुईमा नलत्रने र कतै नछुने गरी आधार (बेस) सहितको डन्डामा राख्ने । उल्लेख भए पछि रारामा प्रधानमन्त्री सम्बोधन गर्दाको समयमा नेपालको राष्ट्रिय झण्डा भुँईमा लत्रिएको देखिएको छ । सामाजिक सन्जालमा थुप्रैले यस घटनालाई दुःखद भएको टिप्पणी गरेका छन् । टुडेखबरबाट