काठमाडौं/ नेकपा एमालेका नेता एवं पूर्वसन्चारमन्त्री शेरधन राईले प्रदेश नम्बर–१ को मुख्यमन्त्रीका लागि आफू योग्य रहेको जिकिर गरेका छन् ।
सोमबार काठमाडौंमा आयोजित एक साक्षात्कारमा भोजपुरबाट प्रदेशसभा सदस्यमा निर्वाचित राईले आफूसँग सरकारमा बसेर काम गरेको अनुभव रहेको भन्दै आफू मुख्यमन्त्री बन्न सक्षम रहेको बताए ।
नेता राईले अहिले माओवादी केन्द्रसँग पार्टी एकताभन्दा सरकार गठनलाई प्राथमिकता दिनुपर्ने बताए ।
राजनीतिक अस्थिरता तोड्न पनि एमाले–माओवादी केन्द्रबीच पार्टी एकताको विकल्प नरहेको उनको भनाइ छ ।
उनले सरकारले राष्ट्रियसभासम्बन्धी अध्यादेशलाई अड्को थापेर विवाद सिर्जना गरेको आरोपसमेत लगाए ।
