धरान/भन्सार छली गरेर भारतबाट ल्याएको करिव ३० लाख रुपैया बराबरको अवैद्य कपडासहित तीनजनालाई प्रहरीले बुधबार बिहानकाे राति पक्राउ गरेको छ ।
[caption id="attachment_8083" align="alignnone" width="700"]
फाइल तस्बिर[/caption]
सुनसरीको नाकाबाट अवैद्य रुपमा भित्र्याउँदै गरेको साडी, कुर्ता, लेहेङ्गालगायतका कपडाहरु प्रहरीले बरामद गरेको हो । बरामद गरिएको सामग्रीसहित जिल्ला प्रहरी कार्यालय सुनसरीले बुधबार बिहान सार्वजनिक गरेको छ । जिल्ला प्रहरी र कोशी अञ्चल प्रहरी कार्यालयबाट खटिएको टोलीले उक्त कपडा बरामद गरेको जिल्ला प्रहरी कार्यालयका प्रवक्ता डिएसपी प्रविण धितालले जानकारी दिए ।
उनका अनुसार जिल्लाका इनिस्पेक्टर निर्मल पनेरु र अञ्चलका इनिस्पेक्टर ऋषीराज ढकालको कमान्डमा खटिएको टोलीले बर्जुगाउपालिका १ का लक्ष्मी कामतको घरमा लुकाइछिपाइ राखेको अवस्थामा तीनजनासहित सामग्री बरामद् गरेको हो । पक्राउ पर्नेमा कामतसहित सोही ठाउँका अनिल गञ्चछार, र हरिनारयण राय रहेका छन् । उनीहरुले प्रयोग गरेको तीनवटा मोटरसाइकलसमेत बरामद गरेको छ । जसमा को ५ प ६५४०, बा ९ प ७२०४, र को ४ प ३२८४ नम्बरका मोटरसाइकल रहेको प्रवक्ता धितालले बताए ।
उनीहरुले लुकाइ राखेको अवस्थामा २२ वटा पोका पारेको अवस्थामा बरामद गरिएको थियो । उक्त सामग्रीहरु भन्सार कार्यालयमा बुझाइएको छ ।
