धरान/धरान–८ बाट धरान प्रहरीले मंगलबार लागूऔषधसहित एकजनालाई नियन्त्रणमा लिएको छ । अस्थायी प्रहरी पोष्ट धरानबाट खटिएको टोलीले धरान–१० का २० वर्षीय सम्भु श्रेष्ठलाई एकसय ४० थान स्पामोप्रोक्सिभन ट्यावलेट र १० बोतल कोरेक्ससहित पक्राउ गरेको हो । उनलाई को १४ प ११७६ नम्बरको स्कुटरमा आउँदै गर्दा चेकजाँचको क्रममा पक्राउ गरिएको इलाका प्रहरी कार्यालय धरानका डिएसपी ढकेन्द्र खतिवडाले जानकारी दिएका छन् । उनलाई इप्रका धरानमा राखी थप अनुसन्धान गरिरहेको बताइएको छ । उनलाई लागूऔषध मुद्धामा कारबाही चल्ने बताइएको छ ।