पर्सा/अपहरणमा परेका ६५ वर्षीय रामऔतार कुर्मीलाई प्रहरीले आज बिहान उद्धार गरेका छन् ।
चार दिन आगाडि पर्साको जिगना हरपुर गाविसबाट अपहरणमा परेका कुर्मीलाई प्रहरीले विहान करिब ५ बजे पर्साको मधुवन मथवल गाविसको औराहा टोलबाट उद्धार गरेको हो ।
गएराति १ बजे अपहरणकारीको चुङ्गलबाट उम्केर औराहाटोलमा लुकेका कुर्मी प्रहरी सम्र्पकमा आएपछि उनलाई सकुशल उद्धार गरिएको पर्साका प्रहरी उपरिक्षक गोविन्दप्रसाद साहले बताए ।
वीरगन्ज उपमहानगरपालिका–२७ रामगढवा निबासी कुर्र्मीलाई अहिले इलाका प्रहरी कार्यालय एक टागामा राखेर आवश्यक सोधपुछ गरिरहेको उनले बताए ।
अनुसन्धानका क्रममा प्रहरीले दुई जनालाई नियन्त्रणमा लिएको छ । अपहरणकारीले बिरुवागुठी वन क्षेत्रमा बन्धक बनाइ राखेको बेला कुर्मी गएराति १ बजे उम्किन सफल भएको प्रहरीले जनाएको छ । रासस
