प्रेस चौतारी धरान उपमहानगर समितिको तेस्रो अधिवेशनबाट अध्यक्षमा रोशन दाहाल चयन भएका छन् ।
आइतबार सम्पन्न अधिवेशनमा उपाध्यक्षमा रमेश राई र मेरिना तुम्सा, सचिवमा सन्जोकबाबू दाहाल , सहसचिवमा सन्देश तिम्सिना, ललित राई र कोषाध्यक्षमा देवीका चाम्लिङ चयन भएका हुन् । १३ सदस्यीय समितिमा सदस्यहरूमा मौसमी कार्की, स्नेहा श्रेष्ठ, प्रतिक्षा बिशुन्खे र आइतुमाया तामाङ चयन भएको प्रेस चौतारी सुनसरीका सचिव दिनेश गजमेरले बताएका छन् ।
त्यस्तै अधिवेशनमा धरान कार्यक्षेत्र बनाइ क्रियाशील पत्रकारिता गर्दै आएका दुई जना पत्रकारलाई सम्मान गरिएको छ । सम्मानित हुनेहरूमा हर्ट एफएममा स्टेसन म्यानेजर रमेश राई र कृति टेलिभिजनमा कार्यरत मौसमी कार्की रहेका छन् । उनीहरूलाई ५ हजार नगद तथा प्रशंसा पत्रले सम्मान गरिएको थियो ।
