झापामा कटुवा पेस्तोल सहित १ जनालाई प्रहरीले पक्राउ गरेको छ ।
जिल्लाकाे भद्रपुर नगरपालिका ६ नँया बस्तीबाट कटुवा पेस्तोलसहित २४ बर्षीय मुगालाल माझी पक्राउ गरेकाे जिल्ला प्रहरी कार्यालय झापाले जनाएकाे छ । कार्यालयका अनुसार आइतबार बिहान साढे ६ बजे गोप्य सूचनाको आधारमा वडा प्रहरी कार्यालय भद्रपुरबाट खटिगएको प्रहरी निरीक्षक दल कुमार राईको टोलीले माझीको घरमा खानतलासी गर्दा झोलामा लुकाई राखेको अवस्थामा १ थान कटुवा पेस्तोल बरामद गरेको हो ।
पेस्तोलसहित पक्राउ परेका माझी माथी थप अनुसन्धान भईरहेको कार्यालयले जनाएकाे छ।
