महिलाको ‘ब्ल्याकमेलिङ’ सहन नसकेपछि एक जना सुरक्षागार्डले उच्च अदालत इलाम इजलाशमा कार्यरत एक महिलाको हत्या गरेको खुलेको छ ।
जिल्ला प्रहरी कार्यालय इलामका अनुसार उच्च अदालत विराटनगरको इलाम इजलाशमा कार्यरत एक कर्मचारीको हत्या आरोपमा नेपाल प्रहरीका सहायक निरीक्षक (असई) पक्राउ परेका छन् ।
उच्च अदालतका मुख्य न्यायाधीशको सुरक्षा गार्ड असई युवराज बानियाँले कार्यालय सहयोगी सोलुखुम्बु घर भएकी ४८ वर्षीया विमला पराजुलीको हत्या गरेको जिल्ला प्रहरी कार्यालय इलामका प्रमुख प्रहरी उपरीक्षक महेन्द्र श्रेष्ठले जानकारी दिए ।
उनले भने, ‘कानुनले बर्जित गरेको अभियोग लगाउँछु भनेपछि बानियाँले हत्या गरेको खुल्न आएको छ ।’ आर्थिक लेनदेनमा पनि उनीहरू नजिक रहेको उनले बताए ।
श्रेष्ठले भने, ‘पहिलादेखि जिस्किने, आर्थिक कारोबार गर्ने गरेका रहेछन ्। पछिल्लो समय मन मिल्न छाड्यो अनि अन्ततः हत्यामा कुरा पुग्यो ।’
घटनाको अनुसन्धानका लागि मंगलबार जिल्ला अदालत इलामले पाँच दिनको म्याद थप गरेको छ ।
बानियाँले पराजुलीको क्वाटरमै हत्या गरेको स्वीकारेको श्रेष्ठले बताए ।
