कोरोना भाइरसका कारण नेपालको पर्यटन क्षेत्रमा एक खर्ब घाटा –मन्त्री भट्टराई

alt
  • कार्तिक २८, २०७७
  • ब्लाष्ट खबर

भद्रपुर । संस्कृति,पर्यटन तथा नागरिक उडडयन मन्त्री योगेश भट्टराईले कोरोना महामारीका कारण नेपालको पर्यटन क्षेत्रमा एक खर्ब गुमाएको बताएका छन् । गृहजिल्ला ताप्लेजुङ्गबाट शुक्रबार बिहान सिता एयरमार्फत चन्द्रगढी विमानस्थल आएका मन्त्री भट्टराईले पत्रकारसँग संक्षिप्त कुराकानी गर्दै यस्तो बताएका हुन् ।

गएको चैत्रमहिनाबाट नेपालमा बन्दाबन्दी भईसकेपछि मासिक करिब १० अर्बजति पर्यटन क्षेत्रमा घाटा भएको तथ्याङ रहेको उनले जनाए । हालसम्म एक खर्ब रकम पर्यटन क्षेत्रमा नोक्सान भईसकेको उनको भनाई छ ।

कोरोना भाईरस बढीरहेको अवस्था भएपनि सुरक्षा मापदण्ड अपनाएर असोज महिनायताबाट आन्तरिक हवाई यातायात सञ्चालनमा ल्याएको जनाए । यही अवस्थामा वाह्य पर्यटनको सम्भावना नभएकोले आन्तरिक पर्यटनलाई प्रबद्र्धन गर्न जरुरी रहेको धारणा राखेका थिए ।

अन्तराष्ट्रिय उडान सुचारु भएपनि विश्वभर हाल ४६ प्रतिशत उडान रहेको उनले जनाए । विगतमा आउने र जाने एकसय १० देखि २० सम्म थिए भने त्यो सङ्ख्या अहिले ३२ रहेको उनले बताए । यो क्रम विस्तारै बढदै जाने उनको भनाई थियो ।

कोरोना भाईरस बढीरहेपनि जनजीवनलाई सामान्यकरण गर्दै जानु पर्ने आवश्यक्ता रहेको उनको भनाई छ । पर्यटन क्षेत्रलाई माथि उठाउन हिमाल आरोहण, पद यात्रा होटल खोलिसकिएको उनले बताए ।

कर्मचारी श्रमीकहरुलाई टिकाउनका लागि ५० अर्बको पुर्नर उत्थान कोष सरकारले खडा गरेको उनले सुनाए । व्यवसायीले व्यवसाय सुचारु गर्नका निम्त ५ प्रतिशत ब्याज दरमा रकम लिन सक्ने कार्यविधि मन्त्री परिषदबाट जारी हुने तयारीमा रहेको उनको भनाई छ ।

कार्यविधि पारित भईसकेपछि रकम उपयोग गर्न सकिने उनले बताए । विदेशी नागरिकलाई पर्यटन भिषा खुला गरिने सोच बनाएकोले पुरानै लयमा फर्किन समय लागेपनि विस्तारै पर्यटन क्षेत्रले गति लिने उनको धारणा थियो ।

यता चन्द्रगढी विमानस्थलको विषयमा स्थानीय, सरोकारबाला,जनप्रतिनिधि राखेर गत वर्ष मास्टर प्लान प्रस्तुत भईसकेको उनको भनाई छ । केही सुझावहरु आएकोले अब टुङ्गोमा पुर्याउने र विस्तार गर्ने नीति रहेको उनले जनाए ।

विमानस्थलमाबाट बाहिरीएका मन्त्री भट्टराई नेपालको होचो भू–भाग झापाको कचनकवल र एतिहासिक धार्मिक पर्यटन स्थल किचकबधको स्थलगत भ्रमण गरी शुक्रबार काठमाडौ फर्किने कार्यक्रम रहेको छ ।

मङ्सिर दोस्रो साताबा ...

इनरुवा/ कोशी गाउँपालिकामा मङ्सिरको दोस्रो साताबाट विद्य ...

पथरीका पहिलो गाविस अ ...

पथरीशनिश्चरे/ मोरङको पथरी गाउँविकास समितिका पहिलो अध्यक ...

दमकमा सार्वजनिक शौचा ...

दमक/ सधैँ व्यस्त हुने पूर्व–पश्चिम राजमार्गको साथ ...

स्कुलबाट मटर बरामद ...

भण्टाबारी/ सुनसरी प्रहरीले एक बोर्डिङ स्कुलमा छापा मारी ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved