Trending Tags

स्वास्थ्यकर्मी आइसोलेसनमा बसेपछि अस्पतालको सेवा प्रभावित

alt
  • श्रावण २४, २०७७
  • ब्लाष्ट खबर

राजविराज । ३४ जना स्वास्थ्यकर्मी आइसोलेसन र क्वारेण्टिनमा बसेपछि राजविराजस्थित गजेन्द्रनारायण सिंह अस्पतालको उपचार सेवा शुक्रबारदेखि बन्द भएको छ ।

चिकित्सक र स्वास्थ्यकर्मी नै धमाधम सङ्क्रमित हुन थालेपछि शुक्रबार बिहानदेखि सर्जिकल र आकस्मिक सेवा बन्द गरिएको हो । अस्पतालका निमित्त मेडिकल सुपरिटेण्डेण्ट डा. रञ्जित झाले ७ जना स्वास्थ्यकर्मी आइसोलेसनमा र ४ चिकित्सकसहित २७ जना स्वास्थ्यकर्मी क्वारेण्टिनमा भर्ना भएका कारण सर्जिकल र आकस्मिक सेवा बन्द गरिएको जानकारी दिए ।

‘एनेस्थेटिस्टका डाक्टरसमेत क्वारेण्टिनमा रहेका कारण गाइनोमा पनि शल्यक्रिया सेवा बन्द भएको छ’ डा. झाले भने, ‘बाँकी रहेका ५ जना चिकित्सक र चार जना स्वास्थ्यकर्मी गरी ९ जनाको भरमा अस्पताल कसरी सञ्चालन गर्ने ?’

सात दिनमा ७ जना स्वास्थ्यकर्मी कोरोना सङ्क्रमित भएको र उनीहरूको सम्पर्कमा आएका चार चिकित्सकसहित २७ जना स्वास्थ्यकर्मी क्वारेण्टिनमा बस्दा जनशक्तिको चरम अभाव भई स्वास्थ्य सेवा प्रभावित भएको डा. झाको भनाइ छ ।

एकातिर स्वास्थ्यकर्मी सङ्क्रमित हुँदै जाने र अर्कोतिर आकस्मिक कक्ष, ओपिडी, इण्डोर र गाइनोका साथै आइसोलेसनमा पनि स्वास्थ्य सेवा प्रदान गर्नुपर्ने स्थितिका कारण जनशक्तिको चरम अभाव भएको बताउँदै डा. झाले यसतर्फ प्रदेश र सङ्घीय सरकारबाट आवश्यक पहल हुनुपर्ने आग्रहसमेत गरेका छन् । उपचार सेवा बन्द भएपछि बाहिरबाट उपचारका लागि आएका बिरामीहरू राजविराजमा एम्बुलेन्स बुक गरी धरान, विराटनगरलगायतका स्थानमा उपचारका लागि जान बाध्य भएका छन् ।

हाेटलकाे शाैचालयमा प ...

ब्लाष्टखबर । दार्चुलामा एक हाेटलकाे शाैचालयमा प्रहरी ना ...

३ दिन पछि सुनकाे मुल ...

ब्लाष्टखबर । तीन दिन लगातार घटेकाे सुनकाे मुल्य शुक्रबा ...

प्रयोग भइसकेको ३६० क ...

बीबीसी नेपाली/ भियतनाम प्रहरीले गैरकानुनी रूपमा ठूलो पर ...

आफ्नै परिवारमाथि बाम ...

ताप्लेजुङ/ आफ्नै ठूलो बुबाको तीनजना परिवारमाथि बाम्फोक ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved