कुसुमको माकुरी माया: पूर्वेली लोक भाका

alt
  • श्रावण १५, २०७७
  • ब्लाष्ट खबर

धरान / कुसुम गुरुङ र भविन ढुंगानाको स्वर रहेको ‘माकुरी माया’ सार्वजनिक भएको छ । पूर्वेली लोक भाकाको गीतमा संगीत पारस मुकारुङको रहेको छ भने शब्द कवि उपेन्द्र सुब्बाको रहेको छ ।

कुसुम गुरुङको युट्युब च्यानलबाट सार्वजनिक गरिएको ठेट शब्दहरू रहेको गीतको म्युजिक भिडियोको कोरियोग्राफ तथा निर्देशन आशिष राईले गरेका छन् । फिल्म मेकिङका विद्यार्थीसमेत रहेका राईको निर्देशन रहेको म्युजिक भिडियोमा इमेज लोकस्टारबाट आएका निकेश राई र मोडल बिमला खजुमको अभिनय रहेको छ ।

कवि एवं गीतकार सुब्बाले भने, ‘निकै अगाडि रचना गरेको गीत रेकर्ड भएर आएकोमा खुशी छु । मैले त झण्डै बिर्सिएको रहेछु ।’ उनले गीतमा स्वर र भिडियो दुवैमा न्याय भएको बताए । गायिका कुसुम गुरुङले अग्रज एवं अब्बल गीतकारको शब्दमा सक्दो न्याय गर्ने प्रयास गरिएको बताइन् । म्युजिक भिडियो निर्देशक आशिषले भिडियोमा आफूले सक्दो मेहनत गरेको बताए ।

२०६१ सालमा रेडियो नेपालबाट स्वर परीक्षा उत्तीर्ण गरेपछि कुसुमले २०६२ सालमा ‘भीरमाथिको गाउँ’ एल्बम बजारमा ल्याएकी थिइन् । टीका चाम्लिङको शब्द र पारस मुकारुङकै संगीत रहेको एल्बमको शीर्ष गीतमा उनलाई स्वरमा भीषण मुकारुङले साथ दिएका थिए । बीचमा केही गीत रेकर्ड गरेका उनले गत कात्तिकमा पूर्वसभासद् मधु गुरुङको शब्द र संगीत रहेको ‘सुनमाया’मार्फत सांगीतिक पुनरागमन गरेकी हुन् ।

 

हर्क साम्पाङको रिहाई ...

ब्लाष्टखबर । धरानकाे खानेपानीकाे मुहानमा पाईप तोडफोड गर ...

मोरङको रंगेलीमा २८ स ...

विराटनगर / मोरङको रंगेली नगरपालिका भित्र शुक्रबार २८ जन ...

हरियाली सामुदायिक वन ...

ब्लाष्टखबर । हरियाली सामुदायिक वनकाे आवास गृहमा&nb ...

मोरङमा ६२ र सुनसरीम ...

विराटनगर । मोरङमा ६२ जना सहित प्रदेश १ मा शुक्रबार ९५ ज ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved