नेपाल–हङ्कङ समन्वयद्वारा सडक मानवलाई सामग्री

alt
  • असार २७, २०७७
  • ब्लाष्ट खबर

धरान/ लकडाउनका कारण लाङ्घाली सामुदायिक वनको भवनमा राखिएका धरानका सडक मानवहरूलाई नेपाल हङ्कङ समन्वय समाजले राहत सामग्री वितरण गरेको छ ।

वनको भवनमा राखिएका १६ महिलासहित ८१ जनालाई बुधबार चप्पल, लुङ्गी, ट्राउजर र भेष्ट वितरण गरिएको हो । यस्तै ओलिभ क्याफेले चाउचाउ र पोर्चुगलका व्यवसायी केन्द्र लिम्बूले एक छाक खाना र नास्ताको व्यवस्था गरेका छन् । समन्वय समाज हालै गठित भएको हो । समाजले बीपी कोइराला स्वास्थ्य विज्ञान प्रतिष्ठानलाई ३ सय थान कोरोना परीक्षण सामग्री पनि यसअघि प्रदान गरेको सल्लाहकार नानीचन्द्र सिङ्गकले जानकारी दिए ।

कार्यक्रममा समाजको तर्फबाट गीतकार मीना सिङ्गक, नानीचन्द्र सिङ्गक, ०६३ सालका मिस्टर धरान दिनेश सिङ्गक, नायिका तथा मोडल रेखा फागो, समाजसेवी कमला सुब्बा, निकेन राई, केन्द्र लिम्बू, र अर्विन पोमो रहेका थिए । कोभिड– १९ का कारण देशभर लकडाउन गरेपछि सडक मानवहरूलाई एकीकृत गरी धरान उपमहानगरपालिकाले लाङ्घाली सामुदायिक वनमा बस्ने व्यवस्था मिलाएको हो ।

नगरपालिकासहित विभिन्न दाताहरूको सहयोगमा खाना खुवाउँदै आइरहेको थियो तर यसै सातादेखि उनीहरूलाई इटहरीको माया घर नेपालले डेढ महिनाको लागि खानाको व्यवस्था गर्ने अध्यक्ष राधिका दासीले बताइन् ।

मिर्गौला पीडित श्रीम ...

ब्लाष्टखबर । दुबै मृगैला फेल भएकी २५ वर्षीय श्रीमती बचा ...

हालसम्म ९९ संक्रमितक ...

ब्लाष्टखबर ।  नेपालमा आज थप ५ सय ९५ जनामा कोरोना स ...

हर्क साम्पाङको रिहाई ...

ब्लाष्टखबर । धरानकाे खानेपानीकाे मुहानमा पाईप तोडफोड गर ...

मोरङको रंगेलीमा २८ स ...

विराटनगर / मोरङको रंगेली नगरपालिका भित्र शुक्रबार २८ जन ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved