कानेपोखरीमा विदेशबाट आएकाहरुलाई होम क्वाराइन्टाइन बसाउने अभियान

alt
  • चैत्र १२, २०७६
  • ६१४ पटक पढिएको
  • दिनेश सुब्बा

पथरी /  कानेपोखरी गाउँपालिकाले बैदेशिक रोजगारबाट घर आएकाहरुलाई होम क्वाराइन्टाइनमा राख्ने व्यवस्था सुरु गरेको छ ।
बुधबार पालिकाको जनशक्ति दुई समूह बनाई प्रत्येक वडाको घरघरमा गएर अवस्था जाँचबुझ गरी बैदेशिक रोजगार भारत, कतार, दुवई र साउदीलगाएत मुलुकबाट घर आएका व्यक्तिहरुको पहिचान गरी होम क्वारान्टाइनमा बस्ने वातावरण मिलाएको हो । तल्लो भेगका १, २, ३ र ४ नं. वडा वडाध्यक्ष सुशिल बुढाथोकीको संयोजकत्वमा ४ वटै वडाको सदस्य, राजनीतिक दल, रमाइलो प्रहरी चौकी र स्वास्थकर्मीलगाएतका टोलीले वडाहरु निगरानी गर्दै होम क्वाराइन्टाइनको व्यवस्था गरिदिने निर्णय भएको छ ।

त्यसैगरी माथिल्लो भेगका ५, ६ र ७ नं. वडाहरु वडाध्यक्ष चरण गुरुङको संयोजकत्वमा दईवडाध्यक्ष, कानेपोखरी प्रहरी चौकी, राजनीतिक दलका प्रतिनिधि र स्वास्थकर्मीको टोलीले तीनवडाको निगरानी गर्दै होम क्वाराइन्टाइनको व्यवस्था गर्ने व्यवस्था गाउँपालिकाले गरेको छ । सोही निर्णय अनुसार सुरुको दिन बुधबार माथिल्लो भेगमा पालिका अध्यक्ष ताराबहादुर काफ्लेसहितको टोलीले ५, ६ र ७ नं. वडाको घरघर गएर मास्क र पर्चा विचरण गर्दै विदेशबाट आएकाहरुक पहिचान गरेका थिए ।
त्यसैगरी तल्लो भेगमा उपाध्यक्ष राजमती इङ्नाम सहितको टोलीले १ देखी ४ सम्मको जनताको घरघरमा गएर मास्क र पर्चा वितरण गर्दै कोराना भाइरस सम्बन्धि बताउँर्दै विरामीको पहिचान गरेका थिए ।

आज मात्र होइन गाउँपालिकाले ५ दिन अघिबाट बैदेशिक रोजगारबा घर आएकाहरुलाई पालिकाको निगरानीमा राखेको थियो ।
टोलीले बैदेशीक रोजगारबाट घर आएकाहरुलाई घरको एक कोठामा छुट्टै बस्ने, ट्वाइलेट एक्लै प्रयोग गर्ने, परिवारसँग टाढा रहने, खानपिनलगाएत १४ दिन सम्म एकलै बस्ने वाताबरण मिलाएको गाउँपालिकाका प्रवक्ता सुशिल बुढाथोकीले बताए । अहिले गाउँपाकिलामा १२ जना भन्दा वढी बैदेशिक रोजगारबाट गाउँपालिका भित्रिएको स्वास्थ संयोजक रोहिन्द्र कुमार राजभण्डारीले बताए ।

 

लकडाउनमा फसेका विदेश ...

धरान । लकडाउनका कारण विभिन्न स्थानमा फसेका पर्यटकहरूको ...

छथरका ६० परिवारलाई र ...

धरान  / महामारीवाट वच्नको लागि गरिएको लकडाउनक ...

आइसोलेशन वार्डको लाग ...

पथरी । मोरङ पथरीशनिश्चरे–२, मा रहेको हरियाली सामु ...

पत्रकारले दिए गरिव त ...

वराहक्षेत्र/ वराहक्षेत्र नगरपालिकाको ग्रामीण पत्रकार सम ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved