कवि माङ्लाकलाई समथिङ राष्ट्रिय पुरस्कार

alt
  • माघ ६, २०७६
  • १९५ पटक पढिएको
  • ब्लाष्ट खबर

धरान/ उत्तरवर्ती साहित्यिक आन्दोलनका मुख्य प्रवर्तक साहित्यकार कवि राज माङ्लाकलाई पाँचथरको समथिङ फाउण्डेशन नेपालले ५५ हजार ५ सय ८० रुपैयाँको समथिङ राष्ट्रिय साहित्यिक पुरस्कार प्रदान गर्ने भएको छ ।

फाउण्डेशनले आइतबार पुरस्कारको घोषणा गरेको हो । ५० को दशकदेखि फुटकर कविता लेख्दै आएका कवि माङ्लाकको पछिल्लो कविता सङ्ग्रह ‘लिम्बुनी गाउँ’ मदन पुरस्कार र पहिचान पुरस्कारका लागि छनोटको अन्तिम पाँचमा परेको थियो । उनले यसअघि ‘धुवाँका धुनहरू’ खोजमूलक अनुसन्धान ‘पाँचथरका स्रष्टा र सिर्जना’ लिम्बू भाषाको कविता सङ्ग्रह ‘येमले कुनाराहा’ (समयका प्रतिबिम्बहरू)’ सम्पादन ‘लिम्बू कविता भाग १’ कविता सङ्ग्रह प्रकाशित गरिसकेका छन् ।

पाँचथरको आङ्नामा स्थायी घर भए पनि पछिल्लो समयमा धरानलाई साहित्यिक कर्मथलो र धनकुटाको जेफालेस्थित चौकी भञ्ज्याङको एक उच्चमाविलाई शैक्षिक प्राध्यापन थलो बनाएर साहित्यमा सक्रिय रहेका छन् । फाउण्डेशनका अध्यक्ष मङ्गल बेघाले भने, ‘नेपाली साहित्यजगत्मा कवि माङ्लाकले अनवरत दिएको योगदानको कदर गर्दै यो वर्षको समथिङ राष्ट्रिय साहित्यिक पुरस्कार प्रदान गर्ने निर्णय गरिएको हो ।’

फाउण्डेशनले प्रत्येक दुई वर्षमा ५५ हजार ५ सय ८० रुपैयाँसहित समथिङ साहित्य पुरस्कार प्रदान गर्दै आएको छ । पूर्वेली बिम्ब र पहिचानमा आधारित लेखन अनुसन्धान गर्दै सीमान्तीकृत किनारी कृत समुदायको पक्षमा कविता रचना गर्दै आएका माङ्लाकलाई फाउण्डेशनले पाँचथरको फिदिममा यही माघ २९ गते विशेष समारोह आयोजना गरी पुरस्कार प्रदान गर्ने बेघाले बताए ।

फाउण्डेशनले उक्त अवसरमा ५ हजार ५ सय ८० रुपैयाँ राशिको समथिङ राष्ट्रिय सम्मान पाँचथर सुभाङकी लेखिका विद्या निर्दोषी ओझालाई पनि जनाएको छ । मोफसलका साहित्यकारहरूलाई पुरस्कार प्रदान गर्ने उद्देश्यले पाँचथरका साहित्यकार रामप्रकाश समथिङले समथिङ फाउण्डेशन नेपाल स्थापना गरेका हुन् ।

शाही हैसियत त्यागेपछ ...

 बेलायत /  बेलायती राजपरिवारको शाही हैसियत त् ...

बुढासुब्बा गोल्डकपः ...

धरान / धरानमा जारी २२औँ बुढासुब्बा गोल्डकपको अपिन्तम से ...

वीपी प्रतिष्ठानमा सु ...

धरान / प्रयाप्त जनशक्ति र श्रोत साधनको अभावले समस् ...

दिल्लीको धार्मिक हिं ...

दिल्ली / दिल्लीमा गएको सप्ताहान्तदेखि धार्मिक हिंसा फैल ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved