टाँकीका फूलहरूमाथि विमर्श

alt
  • भदौ २२, २०७६
  • ब्लाष्ट खबर

धरान/कथाकार दाजु गुरुङको डायस्पोरिक कथा सङ्ग्रह ‘टाँकीका फूलहरू’ माथि धरानमा शनिबार विमर्श गरिएको छ ।

महेन्द्र बहुमुखी क्याम्पसमा गरिएको विमर्शमा वक्ताहरूले कथा सङ्ग्रहमा विदेशमा रहका नेपालीको ‘मनोविज्ञान’ लाई समेटेको बताए । समालोचक रामजी तिम्सिनाले सङ्ग्रहमा तीन वटाबाहेक अन्य सबै अकथा भएको टिप्पणी गरे । भने, ‘मोनिका, बाटो विराएको मान्छे र मिलेनियमबाहेक बाँकी कथा, कथा होइनन् । धेरै कथामा प्लट नै छैन ।’

तर, सङ्ग्रहमा रहेका सबै कथाको केन्द्रमा मनोविज्ञान रहेको उनले बताए । प्रा.डा. रमेश घिमिरेले हङ्कङ बुझ्न, त्यहाँको समाज बुझ्न कथा सङ्ग्रहले मद्दत गरेको बताए । कथाकारले उत्कृष्ट कथा लेख्नका लागि अझै अभ्यास गर्नुपर्ने देखिएको उनको भनाइ थियो । कवि कुन्ता शर्माले कथा सरल र सुन्दर बिम्बहरू प्रयोग भएकाले सबै पाठकका लागि ग्राह्य रहेको बताइन् । केही कथाहरूमा कथाकारले पात्रहरूसँगै पाठकलाई डुलाउन सफल भएकाले लेखकको सफलता देखिएको उनले बताइन् ।

टाँकीका फूलहरूलाई बिम्बात्मक रूपमा पैसासँग तुलना गरिएकाले हङकङमा पैसा कमाउन निकै दुःख गर्नुपर्ने तर्क कथाकारले अगाडि सारेको उनले बताइन् । वक्ताका रूपमा रहेका सागरमणि सुवेदीले घटना घटिसकेपछिको कार्यकारण रहेकाले कथाहरू पढ्दा उत्सुकता जगाउने खाल्को रहेको बताए । उनले पनि धेरै कथाहरू कथाको रूपमा नरहेको टिप्पणी गरे ।

डा. रमेश इजमले कथाले पाठकलाई तान्न सक्ने सामथ्र्य रहेको बताए । कथाकार शरण राईले हरेक कथा पढ्दा बेग्लाबेग्लै प्रभाव पार्ने बताए । प्रा.डा. टङ्क न्यौपाने अध्ययन अनुसन्धान केन्द्र धरानको आयोजना तथा हङकङ साहित्यिक साझा शृङ्खलाको सहआयोजनामा सम्पन्न कार्यक्रमको सहजीकरण राजेश विद्रोहीले गरेका थिए ।

कथाकार गुरुङको तेस्रो संस्करणको रूपमा प्रकाशित भएको कथा सङ्ग्रहमाथि वक्ताहरूको टिप्पणीलाई बरिष्ठ कवि अनिल पौडेलले धन्यवाद ज्ञापन गरे । केन्द्रका अध्यक्ष गोविन्द तिम्सिनाको अध्यक्षतामा सम्पन्न कार्यक्रममा भाषाविद् प्रा.डा. टङ्क न्यौपानेलगायत सहभागी थिए ।

प्रदेश १ मा १०५ जना ...

धरान  / प्रदेश १ मा ३ हजार ३१ जना क्वारेनइनमा ...

कोरोनाभाइरसः विश्वका ...

एजेन्सी /  जोन्स हप्किन्स यूनिभर्सिटीले सङ्कलन गरे ...

कोरोनाले अमेरिकामा ...

धरान । कोरोनाभाइरसको कारण अमेरिकामा थप एक नेपालीले ज्या ...

कोभिड १९ को राजनीति ...

धरान / विश्व स्थास्थ्य संगठनले कोभिड १९ का विषयमा अमेरि ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved