बुटवल । साथीहरूसंग बँदेल मार्न गएका तिलोत्तमा नगरपालिका ११ का ४० वर्षका मीनबहादुर गौतमकाे बँदेल मार्न थापेको विद्युतीय धरापमा परेर मृत्यु भएकाे इलाका प्रहरी कार्यालय बुटवले जनाएकाे छ ।
वैशाख १ गते साथीहरूसंग गाउँ छेउको जंगलमा बँदेल मार्न भन्दै विद्युतीय धराप थाप्न हिंडेका गाैतम बेपत्ता भएका थिए । प्रहरी र परीवारले गाैतमलाइ खाेज्ने क्रममा गाैतमकाे विद्युतीय धरापमा परेर मृत्यु भएकाे प्रहरीले जनाएकाे छ ।
प्रहरीले बुधबार घटना भएकाे लुकाउन गाैतमकाे शवलाइ गाड्ने ५ जनालाइ पक्राउ गरी सार्वजनिक गरेकाे छ । पक्राउ पर्नेहरूमा तिलोत्तमा नगरपालिका ११ भूपू सैनिकटोलका २६ वर्षका उपेन्द्र शाह, ३५ वर्षका नरबहादुर पुन, ३५ वर्षकै चन्द्रबहादुर थापा, २८ वर्षका कृष्ण राना र ४० वर्षका अमर पुन रहेकाे इलाका प्रहरी कार्यालय बुटवले जनाएकाे छ ।
अनुसन्धानका क्रममा गाैगमकाे मृत्यु वैशाख १ गते राति भएकाे र घटनालाई लुकाउन अर्को दिन देवदह ९ मा पर्ने जंगलमा खाडल खनेर पुरेको घटनामा संलग्न पक्राउ परेकाहरूले स्वीकार गरेकाेले बुधबार विहान मृतकको शव उत्खनन् गरिएको इलाका प्रहरी कार्यालय बुटवले जनाएकाे छ ।