काठमाडौं/ उच्च तहका व्यापारीहरू चढेको एक हेलिकप्टर शुक्रवार टर्कीको इस्तानबुलस्थित एक टावरमा ठोक्किँदा पाँचजनाको मृत्यु भएको छ ।

इस्तानबुलको बुयुक्चेकमेचेको आवासीय इलाकामा हेलिकप्टर झरेको थियो । सिकोर्स्की एस–७६ हेलिकप्टरमा चार रुसीका अलावा टर्कीका एक नागरिक र दुई पाइलट सवार थिए । हेलिकप्टर टिभी टावरमा ठोकिएर खसेको प्रत्यक्षदर्शी फिकरेत कारातेकिनले बताए । अतातुर्क विमानस्थलबाट उडेको केही बेरमै हेलिकप्टर दुर्घटनाग्रस्त भएको थियो ।