विराटनगर/ राष्ट्रिय गायकको छविन बनाएका सुमित खड्काले नेपालीहरूको महान् पर्व बडादशैं लक्षित गरी दशैं गीत सार्वजानिक गरेका छन् । खड्काले ‘आयो दशैं’ गीत सार्वजनिक गरेका हुन् ।
विराटनगरका घर भएका खड्काले प्रत्येक वर्ष दशैं गीत बजारमा ल्याउँदै आएका छन् । यस वर्षको दशैंलाई लक्षित गरि सार्वजानिक गरेको गीतकोे संगीत र स्वबर खड्का रहेको छ भने नवराज सुब्बाको शब्द हो ।
गीतको मिक्सिङ तथा रेकर्डिङ पनि नवराज सुब्बाले नै गरेका छन् । शेषु इन्टरटेन्मेन्टको युट्युव च्यानलमार्फत गीत सार्वजनिक गरिएको हो । यसको भिडियोमा आयुष घले मगर ,नुरज ठकुरी (प्रवेश) राम ग्याबा लामा ,रोनित त्यवाना (रक्की) सिद्धार्थ रिमाल ,सपना घले मगर लगायतले अभिनय गरेका छन् ।
गीतमा मेकअपमा रिना लिम्बु, ड्रोनमा रोनिस र क्यामेरामा सन्देश शर्माले साथ दिएका छन् । भिडियोमा सम्पादन तथा निर्देशन आयुष घले मगरले गरेका हुन् ।
