Trending Tags

मेचीनगरका एक चिकित्सकसहित चार जनामा कोरोना सङ्क्रमण, राती १२ बजेदेखि भदौ ३ गतेसम्म लकडाउन

alt
  • श्रावण २८, २०७७
  • ब्लाष्ट खबर

भद्रपुर/ सीमा नाकासँग जोडिएको झापाको मेचीनगर नगरपालिकामा समुदाय स्तरमा कोरोना सङ्क्रमण फैलिएको छ । यसअघि ३२ जना सशस्त्र प्रहरीमा कोरोना पुष्टि भएको मेचीनगरमा एक चिकित्सकसहित थप चार जना स्थानीयमा कोरोना सङ्क्रमण पुष्टि भएको हो ।

मेचीनगर नगरपालिका १० स्थित आम्दा अस्पतालका २९ वर्षीय एक चिकित्सकमा कोरोना सङ्क्रमण पुष्टि भएको छ । त्यस्तै मेचीनगर १० बस्ने १५ वर्षीय युवक र उनका परिवारका दुई सदस्यमा समेत कोरोना सङ्क्रमण पुष्टि भएको मेचीनगर नगरपालिकाले जनाएको छ ।

परिवारका सदस्य दुई मध्ये एक २५ वर्षीय महिला र अर्का १३ वर्षीय बालक रहेका छन् । त्यस्तै मेचीनगर ७ बस्ने २८ वर्षीय एक पुरुषमा पनि कोरोना सङ्क्रमण देखिएको छ । समुदायस्तरमा गरिएको स्वाब सङ्कलन पश्चात् आएको पिसीआर रिपोर्टमा उनीहरूमा सङ्क्रमण देखिएको हो । गत साउन २४ गते शनिबार धुलाबारी माविमा गरिएको स्वाब सङ्कलन रिपोर्ट बिपी कोइराला स्वास्थ्य विज्ञान प्रतिष्ठान धरानबाट बुधबार आएकोमा चार जनामा पोजेटिभ देखिएको हो । मेचीनगर १० का १५ वर्षीय युवामा यसअघि कोरोना सङ्क्रमण देखिएपछि समुदाय स्तरमा स्वाब सङ्कलन गरिएको नगरपालिकाका स्वास्थ्य शाखाका फोकल पर्सन नवीन बरालले जानकारी दिए ।

मेचीनगर नगरपालिकामा मात्र कोरोना सङ्क्रमितको सङ्ख्या एक सय पुगेको छ । समुदायस्तरसँगै चिकित्सकसहित एकै पटक चार जनामा कोरोना सङ्क्रमण देखिए पछि बुधबार राति १२ बजेदेखि भदौ ३ गतेसम्मका लागि लगडाउन गर्ने निर्णय गरेको पालिकाले जनाएको छ । सङ्क्रमण रोग ऐन २०२० को दफा २ अनुसार एक हप्तालाई लकडाउन गर्ने निर्णय गरिएको नगर प्रमुख विमल आचार्यले बताए ।

विदेशबाट आएका व्यक् ...

भद्रपुर । वैदेशिक रोजगारबाट घर फर्किएका एक व्यक्तिको घर ...

श्रीमती जिस्क्याएको ...

इनरुवा । श्रीमती जिस्क्याएको निहुँमा इनरुवामा एक पुरुषल ...

नाबालिका बलात्कार गर ...

धरान । इटहरीमा नाबालिका बलात्कृत भएकी छन् । इटहरी&ndas ...

आशा राईलाई सहयोग जु ...

विजयपुर । सरकारले गरेको लकडाउनका कारण दैनिक जीविकोपार्ज ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved