‘चासोक तङ्नाम’ भव्यताका साथ मनाइने

alt
  • मंसिर २२, २०७६
  • ३२१ पटक पढिएको
  • ब्लाष्ट खबर

पथरी/ गतवर्ष झैं यस वर्ष पनि मोरङको पथरीशनिश्चरेमा चासोक तङ्नाम (उँधौली पर्व) भव्यताका साथ मनाउने भएको छ ।

किरात याक्थुङ चुम्लुङ पथरीशनिश्चरे नगरसमिति र सिरिजङ्गा स्मृति धार्मिक वन समितिको संयुक्त आयोजनामा मङ्सिर २३ देखि २६ गतेसम्म पर्व मनाउन लागेको हो ।

चासोक तङ्नाममा विभिन्न सांस्कृतिक कार्यक्रमसहित खेलकुद कार्यक्रम हुने भएको छ । चासोक तङ्नामको अवसरमा पुरुष तथा महिला भलिबल प्रतियोगिता, धनुष–वाण हान्ने, छेलो, लङ्जम्प प्रतियोगिता राखिएको किरात याक्थुङ चुम्लुङ पथरीशनिश्चरे नगरसमिति सचिव विक्रम लिम्बूले बताए ।

कार्यक्रममा लिम्बू समुदायको माङ्लाङ, केलाङ, येवालाङ, हाक्पारे ख्याली प्रस्तुत हुने र गायक ताराप्रकाश लिम्बूलगायत कलाकारहरूको प्रस्तुतिमा साङ्गीतिक मनोरञ्जनात्मक कार्यक्रम हुने आयोजक समितिका अध्यक्ष पर्शुराम चोङ्बाङले बताए ।

कार्यक्रमको समापनमा १ नम्बर प्रदेशका आर्थिक मामिला मन्त्री इन्द्र आङ्बो लिम्बू प्रमुख अतिथि रहने र चासोक तङ्नामको उद्घाटन पथरीशनिश्चरे नगरप्रमुख दिलिपकुमार राईको उपस्थितिमा कार्यक्रम हुने भएको छ । पथरीशनिश्चरे–१० स्थित सिरिजङ्गा स्मृति वनमा हुने कार्यक्रममा रोटेपिङलगायतका मनोरञ्जनात्मक खेल हुने बताइएको छ ।

प्रतियोगितामा भलिबल विजेतालाई पुरुषतर्फ ५५ हजार, उपविजेतालाई ३५ हजार र भलिबल विजेता महिला टिमलाई ३५ हजार, उपविजेता टिमलाई २५ हजार नगद, ट्रफी र प्रमाण–पत्र वितरण गरिने सिरिजङ्गा स्मृति धार्मिक वन समितिका उपाध्यक्ष सन्तोष सेरेङले बताए ।

दिउँसै माेटरसाइकल चा ...

बिर्तामोड । झापाको बिर्तामोडबाट मोटरसाइल चोरेर भाग्दै ग ...

शहीद स्मारक ए डिभिजन ...

काठमाडाै । शहीद स्मारक ए डिभिजन लिग फुटबल प्रतियोगिताअन ...

प्रदेश सरकारले आफ्नै ...

लक्ष्मीमार्ग । मोरङको बेलबारी स्थीत नव निर्मीत ट्राफिक ...

एक बर्षदेखि कल्भर्ट ...

बिर्तामोड । बिद्युत प्राधिकरणले एउटा बिजुलीको पोल ५ फिट ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved