विजयपुर । मुस्ताङ एयरको हेलिकप्टर सुरक्षित फेला परेको छ ।
शुक्रबार मध्यान्हदेखि दोलखाको लाप्चा क्षेत्रबाट सम्पर्कविहीन भएको हेलिकप्टर फेला परेको मुस्ताङ एयरका प्रबन्ध निर्देशक रोनान लामिछानेले जानकारी दिए। उनका अनुसार दोलखाको लाप्चामा हेलिकप्टर सुरक्षित भेटिएको हो। क्याप्टेन सुरज थापाको कमाण्डमा रहेको नाइन एन–एएनओ हेलिकप्टर लाप्चामा सुरक्षित अवतरण गरेको उनले बताए। दोलखाको लाप्चा क्षेत्र लाङटाङको दक्षिण–पूर्वमा पर्छ। प्रबन्ध निर्देशक लामिछानेले सुरक्षित भेटिएको उक्त हेलिकप्टर भोलि मात्र काठमाडौँ फर्कने बताए। उक्त हेलिकप्टरमा चालक दलका सदस्यसहित पाँच जना सवार रहेका थिए। रासस
