प्रदेश नम्बर १ को प्रदेश सभाको नवौँ तथा हिउँदे अधिवेशनको तेस्रो बैठक आज दिउसो १ बजे बस्ने भएको छ ।
मुख्यमन्त्री भीम आचार्यले विश्वासको मत लिने प्रयोजनका लागि आह्वान गरेको उक्त बैठकमा असोज २५ गते संसद सचिवालयमा दर्ता गराएको विश्वासको मत लिने सम्बन्धी प्रस्ताव पेस हुने बताइएको छ ।
बैठकको कार्यसूची तय गर्नका लागी सभामुखले कार्यव्यावस्था परामर्श समितिको बैठक १० बजेर ३० मिनेटमा डाकेका थिए ।
विश्वासको मत लिने सम्बन्धी प्रस्ताव बैठकमा पेस भएपछि छलफलको प्रक्रिया सुरु हुने छ । छलफलपछि विश्वासको मत का लागि मतदानको मिति तय गरिने छ । ९२ सदस्यीय प्रदेश सभामा एमालेसँग ४१ जना संसद् रहेका छन् । आचार्यले विश्वासको मत पाउँन एमाले बाहेकका थप ६ जना संसद्को मत प्राप्त गर्नुपर्ने हुन्छ ।
