- मदनबाबु प्रसाई
मोरङ र/ धान जोनको रुपमा चिनिएको दक्षिणी मोरङको रतुवामाई नगरपालिकाले कृषकहरुलाई ५९ हजार केजी धानको वीउ वितरण गरेको छ ।
नगरलाई धान जोनको रुपमा विकसित गर्ने उद्देश्य र उत्पादनमा वृद्धि गर्न कृषकहरुलाई ५० प्रतिशत अुनदानमा उन्नत जातका धानको बिउ वितरण गरिएको नगर प्रमुख रविन राईले बताए नगरलाई खाद्यान्नमा आत्म निर्भर पार्ने योजना रहेको उनले बताए ।
नगरले सोना मुन्सुली, रंन्जित, हर्दिनाथ, राधा –१२, रामधाम जातका ३५ हजार केजी र प्रधानमन्त्री कृषी आधुनिकीकरण परियोजना धान जोन इकाईले २४ हजार केजी धानका बिउ वितरण गरिएको नगरका कृषी शाखाका प्रमुख नरहरि निरौलाले बताएका छन । साथै उनले चालु बर्षमा १ करोड कृषी क्षेत्रका लागि बजेट विनीयोजन भएकोले आगामी बर्ष कृषी क्षेत्रलाई आत्म निर्भर बनाउन ३ करोड आवश्यक पर्ने समेत बताएका छन ।
नगरले १ सय ६१ सय कृषक समुह, ६ वटा कृषी सहकारी र १४ वटा कृषी फर्मलाई वितरण गरिएको बताउदै बताउदै प्रमुख निरौलाले नगरमा २ हजार बिगाहमा १ लाख २७ हजार ७ सय ९० मन धान उत्पादन हुने अपेक्षा गरीएको बताएका छन । नगरमा २ हजार २ सय विगाह धान उत्पादन हुने खेतीयोग्य जमिन रहेको छ ।
