धरानका सब्जी व्यापारीले अब नयाँ पासमा मात्रै बिक्री गर्न पाउने

  • जेठ १०, २०७७
  • उपेन्द्र चाम्लिङ

धरान । धरानको कृषि उपज बजार स्थलले वडावडामा बिक्री गरिरहेका खुद्रा व्यापारीहरूलाई नयाँ पास दिने निर्णय गरेको छ ।

यसअघि वितरण गरेको पास सबै कृषि उपज बजारमा जिम्मा दिनका लागि वडाअध्यक्षहरूलाई सूचित गरिएको थियो । जसमध्ये अधिकांस वडाबाट वितरित पास फिर्ता आइसकेकाले नयाँ पासबाट मात्रै बिक्री वितरण गर्न पाउने भएको छ । मंगलबारबाट नयाँ पास लागू हुने व्यवस्था गरिएको कृषि उपज बजार स्थलले जनाएको छ । 

‘केही दिनका लागि समय दिएका छौं, पुरानो पास आएपछि त्यो पास रद्द भएर नयाँ पासलाई मात्रै मान्यता दिइने छ’–कृषि उपज बजार स्थलका अध्यक्ष तथा धरान उपमहानगरपालिका तरकारी व्यवस्थापन समितिका सदस्यसमेत रहेका पर्शुराम कट्वालले भने, ‘त्यसका लागि मंगलबारसम्मको समयावधि दिइएको छ ।’ नयाँ पास भने हरेक वडाका टोल विकास संस्था (टिएलओ) लाई क्षेत्राधिकार तोकिएको छ । उसैको अनुमतिमा टोलमा सब्जी बिक्रीवितरणका लागि पास पाउने छ । 

शनिबार धरान उपमहानगरपालिका तरकारी व्यवस्थापन समितिको बैठकले यस्तो निर्णय गरेको हो । बैठकमा धरान उपमहानगरकी उपप्रमुख तथा समितिकी संयोजक मञ्जु भण्डारी सुवेदीले हरेक वडाको एउटा टिएलओलाई अधिकार प्रत्यायोजन गरेअनुरूप पुराना पास खारेज गरेर नयाँ पास दिनका लागि निर्देशन दिइन् । ‘पुराना पास सबै खारेज गर्नुस्, नयाँ पासबाट मात्रै बिक्री गर्ने व्यवस्था मिलाउनुस्’ उनले भनिन् । उनले यो बेलामा व्यापारीहरूलाई सेवाभावले काम गर्न पनि आग्रह गरिन् । 

लकडाउन सुरु भएलगत्तै धरानमा तरकारी व्यवस्थापनको लागि समिति बनेको थियो । उक्त समितिले थोक पसलबाट मात्रै बिक्री गर्ने व्यवस्था मिलाएको थियो । धरान–१३ मा एक ५१ वर्षीया महिलामा कोरोना संक्रमण देखिए पनि कृषि उपज बजार स्थल खुल्ला भइरहेका कारण शिखर युवा समाज र अमर सेवा समाजलगायत विभिन्न संस्थाले कृषि बजार केही दिन शिल गर्नका लागि आग्रह गरेको थियो । सोही आग्रह अनुरूप आज बैठक बसेको हो । 

समितिको बैठकले दुई वटा संस्थाबाट पनि प्रतिनिधित्व हुने गरी प्रस्ताव पेश गरेको छ । ती दुई संस्थालाई पत्राचार गरेर प्रतिनिधि माग्ने तयारी भएको कृषि उपज बजार स्थलका व्यवस्थापक लक्ष्मण भट्टराईले जानकारी दिए । 

समुदायमा गएर कोरोना ...

विराटनगर /  प्रदेश १ मा क्वारेन्टिनमा मात्र रहेकाह ...

कोरोनाले रौतहटमा एक ...

धरान  / कोरोना भाइरस सं‌क्रमणका कारण न ...

पाँचथरको सुख्खाक्षेत ...

रमेश थापा पाँचथर /  वर्षा यामको समय छ । सबै स ...

कोरोना भाइरसले नेपा ...

एजेन्सी /  चैत ११ गतेदेखि लकडाउन लागु भएयता सङ्कुच ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved