धरानमा कर घटाउनका लागि प्रक्रिया शुरु

alt
  • मंसिर २३, २०७६
  • ८०२ पटक पढिएको
  • ब्लाष्ट खबर

धरान/ स्थानीय तहले कर तथा राजश्व वृद्धि गरेपछि व्यापक जनगुनासो बढेको सन्दर्भमा धरान उपमहानगरपालिकाका नवनिर्वाचित मेयर तिलक राईले त्यसलाई घटाउने प्रयास भइरहेको बताएका छन् ।

आफूलाई मतदान गरेर जिताउने मतदातालाई धन्यवाद तथा आभार व्यक्त गर्न हाल पनि बिहान र बेलुका घरदैलोमा व्यस्त भएका बेला दिउँसो नगरपालिकामा भेटिएका मेयर राईले कर तथा राजश्व घटाउने बारे अध्ययन भइरहेको बताए ।

उनले ब्लाष्टलाई भने, ‘धरान उपमहानगरपालिकाले यसअघि वृद्धि गरेको समग्र राजश्वका प्रणाली तथा करको दररेट र दायराको पुनरावलोकनका लागि कर विज्ञ समावेश गरी एउटा समिति नै गठन गर्ने तयारीमा जुटेका छौं ।’ सोही अनुसार सरोकारवालाहरूसँग छलफल गरेर कुन कुनमा के कति कसरी कर तथा राजश्व र दस्तुर घटाएर नगरबासीलाई राहत दिन सकिन्छ । अध्ययन र प्रक्रियामा जाँदैछौं ।’

भर्खरै सम्पन्न धरानको उपनिर्वाचनमा राई र उनको पार्टी नेपाली काङ्ग्रेसले कर वृद्धिको विषयलाई प्रमुख एजेण्डा नै बनाएको थियो । उनले आफूले धरानको मेयर पद जितेमा पहिलो प्राथमिकतामा कर घटाउने एजेण्डा राख्ने बताएका थिए । उनले आफ्नो प्राथमिकतामा राखेअनुसार नै पदभार ग्रहण गरेको पहिलो दिन नै आर्थिक वर्ष ०७६/७७ को वित्तीय क्षेत्रको बजेटमा आउने गरी कर तथा राजश्व शुल्क पुनरावलोकन गर्न विशेषज्ञ सम्मिलित कार्यदल गठन गर्न निर्णयार्थ प्रस्ताव राखिसकेको पनि बताए । मेयर तिलक राईको उक्त प्रस्ताव अब बस्ने नगरसभामा लगिनेछ ।

धरान उपमहानगरपालिकाले गतवर्षको तुलनामा चालू आर्थिक वर्षमा १० देखि १५ प्रतिशत सम्पत्तिकर वृद्धि गरेको छ । व्यावसाय करमा गतवर्ष नै दर्ता गरेका फर्म वा कम्पनीलाई यथावत् कायम गरिएको छ भने नयाँ व्यवसायीलाई करमा १० प्रतिशत थप गरिएको छ । आर्थिक वर्ष ०७५/७६ अगाडिका व्यवसाय करको तुलनामा १५ प्रतिशत वृद्धि गरेको राजश्व महाशाखाले जनाएको छ ।

तर पूर्वका अन्य स्थानीय तहहरू नगरपालिका, उपमहानगरपालिका र महानरपालिकाले निर्धारण गरेको कर तथा राजश्व दररेटको तुलना गर्दा धरानले लागू गरेको कर राजश्व निकै कम दररेट भएको पाइएको छ । करवृद्धिकै कारण नेकपाले धरानमा चुनाव हारेको निष्कर्ष निकाल्दै पार्टीले पनि तत्काल करको दररेट घटाउन सुझाव दिइसकेकाले कर तथा राजश्वको दररेट घटाउन उपमहानगरपालिकालाई सहज भने भएको छ ।

यसो भन्छन्ः बिर्तामो ...

सरकारले सातवटै प्रदेशबाट ‘नेपाल भ्रमण वर्ष २०२०&r ...

एम्स स्पोर्ट्स मिट स ...

धरान / धरान–१२ स्थित एम्स एकेडेमीको ‘एम्स स ...

सातौं युजिए कप, क्वा ...

धरान / सातौं युनाइटेड गोर्खा एकेडेमी भलिबल कपको क्वार्ट ...

एकै दिन ५५ छोरीको बि ...

लहान / प्रदेश नं २ सरकारले सञ्चालन गरेको ‘बेटी पढ ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved