‘रुद्रपिया’ पुर्णरुपमा असफल भएपछि नायिका रेखा थापा यतिबेला नयाँ चलचित्रको निर्माणको तयारीमा व्यस्त छिन् । आफनै होमप्रडक्सनमा निर्माण हुने भनिएको चलचित्र ‘लाल मस्तिष्क’ को नाम रेखाले परिवर्तन गरेकीछिन् । उनले ‘लाल मस्तिष्क’ लाई ‘मालिका’ बनाएकीछिन् ।
बैशाख १४ गतेबाट फ्लोरमा जाने भएको यस चलचित्रमा उनले मुख्य कलाकार अर्थात मालिकाको रुपमा जाजरकोटकी चौध वर्षिय कमला वलीलाई अनुबन्धित गरेकीछिन् । हालसम्म आफनो चलचित्रमा नारी पात्रलाई प्राथामिकताका साथ बलियो रुपमा प्रस्तुत गर्दे आएकी रेखाको मालिकामा पनि महत्वपुर्ण भुमिका रहेको बताईएको छ ।
सम्झना उप्रेती रौनियारले निर्देशन गर्ने उक्त चलचित्रमा प्राय रेखाका चलचित्रहरु दसै वा तिहारमा रिलिज हुने गरेका छन् । त्यसैले उनले आफनो पाँचौ निर्माणलाई पनि तिहारको लक्ष्मीपुजाका दिन रिलिज गर्ने निधो गरेकीछिन् । चलचित्रमा नरा कार्की, सरस्वित थापा र तारा थापा निर्माताको रुपमा रहनेछन्। । उनले यसअघि ‘हिफाजत’ , ‘हिम्मतवाली’ , ‘रामप्यारी’ , ‘रुद्रपिया’ लगायतका चलचित्रहरु निर्माण गरिसकेकीछिन् ।
