देशले माग्दैन, आफैँ दिनुपर्छ वृतचित्र प्रदर्शनी

धरान/‘देशले माग्दैन, आफैँ दिनुपर्छ’ नामक वृतचित्र बिहीबार गणेश टाकिज हलमा प्रदर्शन गरिएको छ । रिमेश अधिकारीद्वारा निर्मित वृतचित्रमा देशको रक्षार्थ लडेका वीरयोद्दाहरुको ऐतिहासिक कथाबस्तुलाई देखाउने प्रयत्न गरिएको छ । वृतचित्रमा नालापानीमा नेपाली वीरयोद्दाहरुले लडेको इतिहासलाई प्रस्तुत गरिएको संयोजक एवं रंगभूमि कलालयका निर्देशक कलाकार विष्णु मोक्तानले बताए । विभिन्न स्कुलमा विद्यार्थीहरुलाई लक्षित गर्दै वृतचित्र देखाइएको थियो । करिव चारसय भन्दा बढी दर्शकहरुले उक्त वृतचित्र हेरेको मोक्तानले बताए । इतिहाँससँग सम्बन्धित भएकाले पनि विद्यार्थीहरुको लागि जानकारीमूलक रहेको उनले बताए ।   वृतचित्र निर्माता अधिकारीले दर्शकहरुबाट राम्रो प्रतिक्रिया पाएको बताए । उनले आउँदो आइतबारबाट एकसातासम्म वृतचित्र प्रदर्शनी गर्ने तयारीमा रहेको बताए ।