Trending Tags

अश्लील भिडियो फैलाउनेले माफी मागेपछि यसरी मिल्यो विवाद ( भिडियाे सहित) लिम्बु परम्पराअनुसार तुम्याहाङ राखेर विवाद समाधान

alt विवाद मिलेपछि तुम्याहाङहरुसँग सामुहिक तस्विर खिचाउँदै ।
  • भदौ २५, २०७७
  • ब्लाष्ट खबर


धरान । फिल्म अभिनेत्री तथा मोडल रेखा लिम्बु (फागो)को नाम जोडेर विदेशी अश्लील भिडियो सामाजिक सञ्जाल मार्फत फैलाउनेहरुले गल्ति स्विकार गर्दै माफी मागेपछि केही समयअघि देखिको विवाद मिलेको छ ।

केही महिनायता अभिनेत्री रेखाको भिडियो भन्दै फेसबुक म्यासेन्जर मार्फत इन्डोनेसियाली अश्लील भिडियो क्लिप्स धरान, इटहरी तथा विदेशका नेपाली माझ फैलिएको थियो । सो भिडियोबारे खोजी गर्दा सर्वप्रथम मेरिना तुम्सा लिम्बुले आफ्ना साथीहरुलाई म्यासेन्जर मार्फत पठाएको खुलेको थियो । उनले आफुलाई पनि अन्यत्रबाट उक्त भिडियो आएको बताएपनि स्रोत देखाउन नसकेपछि उनले गल्ति स्विकार गर्दै लिम्बु समुदायको परम्परागत न्याय प्रणालीका आधारमा बुधबार ‘तुम्याहाङ’हरु माझ माफी मागेकी हुन् । विभिन्न कार्यक्रम उद्घोषण गर्ने र सञ्चारकर्मी समेत रहेकी तुम्साले तुम्याहाङ माझ रेखासँग माफी मागेपछि त्यो भिडियो रेखाको नभएको र त्यसलाई नफैलाउन सबैलाई आग्रह गर्दै प्रेस विज्ञप्ती पनि जारी गरेकी छिन् ।

IMG-2364

लिम्बु न्याय प्रणाली अनुसार रक्सि राखेर रेखासँग माफी माग्दै मेरिना  

उनीसँगै भिडियो अन्यत्र फैलाउने हाङ्मा लिम्बुले पनि तुम्याहाङ माझ रेखासँग माफी मागेकी छिन् । उनीहरुले तुम्याहाङ प्रणाली अनुसार ढुङ्गा र दुवो छोएर कसम खाँदै २ बोतल रक्सि र ५ सय रुपैयाँ पैसा राखेर माफी मागेका थिए ।
मेरिनाबाट उक्त भिडियो पाएकी इटहरीकी कोपिला ठकुरीले २ महिनाअघि रेखालाई फोन गरेर भिडियोबारे सोधेकी थिईन् । त्यसपछि रेखा र चलचित्रकर्मीहरुले यसबारे खोजी गर्दा मेरिना, कोपिला र हाङ्माबाटै भिडियो फैलिएको निष्कर्ष निकालेका थिए । तर बुधबार तुम्याहाङहरुसँगको कार्यक्रममा आफ्नो कुरा राखेर कोपिलाले कार्यक्रम छाडेर हिडेकी थिईन् ।

आफ्नो नाम जोडेर विदेशी भिडियो फैलिएपछि लामो समय तनावमा परेकी अभिनेत्री रेखाले केही समयअघि गलत भिडियो फैलाएर आफ्नो चरित्र हत्या गर्न खोजिएको भन्दै विज्ञप्ती सार्वजनिक गरेकी थिईन् । उनलाई साथ दिंदै चलचित्रकर्मी महासंघ प्रदेश नं. १ समितिले पनि विज्ञप्ती जारी गरेको थियो । रेखा र चलचित्रकर्मी महासंघले भिडियो फैलाउने पत्ता लगाएर साईबर अपराध अनुसार कारबाही गर्न माग गर्दै इलाका प्रहरी कार्यालय धरानमा निवेदन समेत दिएका थिए । तर प्रहरीले कसैलाई पक्राउ गरेको थिएन ।

त्यसपछि रेखा र प्रदेश १का चलचित्रकर्मीहरुले किटानी जाहेरी दिने तयारी गरेपछि लिम्बु समुदायका सामाजिक संस्थाहरुको पहलमा समुदाय भित्रै विवाद मिलाउने सहमती भएको थियो । त्यहि सहमती अनुसार बुधबार दुवै पक्षलाई राखेर मिलाइएको हो ।
गलत भिडियो भएकाले आफुले वास्ता नगर्दापनि देश र विदेशबाट समेत फोन र सामाजिक सञ्जाल मार्फत ‘तिमी नै हो’ भनेर आरोप आउन थालेपछि आफु तनावमा गुज्रिएको रेखाको भनाई छ । आर स्क्वायर बुटिककी सञ्चालिका समेत रहेकी रेखाले त्यो भिडियोका कारण आफुलाई मनसिक तनावसँगै व्यवसायमा पनि असर परेको बताईन् । बुधबार विवाद मिलेपछि २ महिनादेखिको तनाव हटेको रेखाले बताईन् ।

IMG-2362

माफी माग्ने क्रममा
 
IMG-2333 1

IMG-2363लिम्बु परम्परा अनुसार ढुङ्गा र दुबो छोएर मिल्दै ।

bigyapti

मेरिनाले जारी गरेकाे विज्ञप्ती

हाेटलकाे शाैचालयमा प ...

ब्लाष्टखबर । दार्चुलामा एक हाेटलकाे शाैचालयमा प्रहरी ना ...

३ दिन पछि सुनकाे मुल ...

ब्लाष्टखबर । तीन दिन लगातार घटेकाे सुनकाे मुल्य शुक्रबा ...

प्रयोग भइसकेको ३६० क ...

बीबीसी नेपाली/ भियतनाम प्रहरीले गैरकानुनी रूपमा ठूलो पर ...

आफ्नै परिवारमाथि बाम ...

ताप्लेजुङ/ आफ्नै ठूलो बुबाको तीनजना परिवारमाथि बाम्फोक ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved