किर्ते नागरिकता दिने अधिकृत कारागार चलान

alt
  • असार २३, २०७७
  • उतम नेपाल

भद्रपुर / भारतीय नागरिकलाई नेपाली नागरिकता बनाई दिएको आरोपमा जिल्ला प्रशासन कार्यालय झापाका तत्कालिन प्रशासकीय अधिकृत सुरेश आचार्यलाई पुर्पक्षको लागि झापा कारागार चलान गरिएको छ ।

२०७२ मङ्सिर १० गते गलत विवरणको आधारमा भारतीयलाई नागरिकता बनाइदिएको आरोप लागेका तत्कालिन प्रशासकीय अधिकृत आचार्यलाई प्रहरीले पक्राउ गरेको थियो । पक्राउ गरेको उनलाई अदालतको आदेशमा पुर्पक्षको लागि कारागार चलान गरेको हो ।

झापामा बसेर व्यापार व्यवसाय गरेर बस्दै आएका भारतीय नागरिक मुस्तफा आलमलाई ज्यामिरगढि गाविसबाट सिफारिस लिई नेपाली नागरिकता बनाएको आरोपमा फरार रहेका आचार्य असार २० गते पक्राउ परेका थिए ।
जिल्ला अदालत झापाले गत मङ्सिर २ मा पक्राउ पुर्जी जारी गरेकोमा महानगरीय अपराध महाशाखाको समन्वयको जिल्ला टोलीले शनिबार काठमाडौँको गठ्ठाघरबाट आचार्यलाई पक्राउ गरेको जिल्ला प्रहरी कार्यालय झापाका डिएसपी राकेश थापाले जानकारी दिए ।

गाविसको सिफारिसका आधारमा नागरिकता दिने अन्य दुईजनासमेत संलग्न रहेकोले अनुसन्धानमा बाधा पुग्ने भएकोले नाम सार्वजनिक गर्न नमिल्ने उनले जनाए । एउटा मात्र मुद्दा रहेकोले यो विषयमा प्रहरीले आरोपितलाइ खोजिकार्य जारी राखिएको उनको भनाइ छ ।

जिल्ला प्रशासनमा भइरहने यस्ता खाले घट्नामा पछिल्लो समय १६ जना विदेशी नागरिकलाई नागरिकता वनाइदिने स्थानीय तहका जनप्रतिनिधि, जिल्ला प्रशासन कार्यालयका कर्मचारी देखी दलाल समेत सम्लग्न रहेका ४६ जनालाइ अदालतले ठहर गरेपछि केही झापा कारागारमा ,केही फरार र केहीले धरौटी रकम बुझाएर छुटेका छन् । फरार रहेका व्यक्तिहरुलाइ प्रहरीले खोजिकार्य जारी राखिएको जिल्लाका एसपी कृष्णप्रसाद कोइरालाले जानकारी दिए ।

नागरिक चिन्ने भनेको स्थानीय तहले हो, प्रशासन कार्यालयले कागजका आधारमा गर्ने भएकोले स्थानीय तहबाट नै कमजोरी भएकाले यस्ता घटना हुने गरेको प्रमुख जिल्ला अधिकारी उदय बहादुर राना मगरको भनाइ छ ।

अरिहन्तको प्रदुषणले ...

इटहरी ।  इटहरी उपमहानगरस्थित खनारबाट सञ्चालन ...

मिर्गौला पीडित श्रीम ...

ब्लाष्टखबर । दुबै मृगैला फेल भएकी २५ वर्षीय श्रीमती बचा ...

हालसम्म ९९ संक्रमितक ...

ब्लाष्टखबर ।  नेपालमा आज थप ५ सय ९५ जनामा कोरोना स ...

हर्क साम्पाङको रिहाई ...

ब्लाष्टखबर । धरानकाे खानेपानीकाे मुहानमा पाईप तोडफोड गर ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved