धरान । धरानमा हावाहुरीसहित असिना पानीको वर्षा भइरहेको छ ।
अचानक ३ बजेर ३५ मिनेट जाँदा हावाहुरी सुरु भएको हो । हावाहुरीका कारण केही क्षेत्रको बिजुलीको तारसहित विभिन्न केवल नेटवर्कको तारसमेत चुडाएको छ । हावाहुरी आएको केही क्षणपछि असिना पानी आइरहेको हो ।
एक महिनाअघि पनि धरानमा असिना पानी आएको थियो । हावाहुरीसहित आएको असिना पानीका कारण त्यसबेला सामान्य क्षति पुगेको थियो । अचानक आएको हावाहुरीको केकति क्षति गरेको छ भन्ने विषयमा हालसम्म थप जानकारी हुन सकेको छैन ।
